ۇلتتىق بانك "سپورت" سەرياسىنان "قازاقستاننىڭ فۋتبول كلۋبتارى" جانە "قازاقستاننىڭ فۋتبول فەدەراسياسى" كوللەكسيالىق مونەتالارى ساتىلا باستايتىنىن حابارلايدى، دەپ جازادى Dalanews.kz.
"قازاقستاننىڭ فۋتبول كلۋبتارى" مونەتالارىنىڭ 13 ءتۇرى ءارقايسىسى 7 000 دانادان شىعارىلعان. ولاردىڭ ىشىندە 5 000 مونەتا جەكە بليستەردە، 2 000 مونەتا سۋۆەنيرلىك بليستەر جيىنتىعىندا ۇسىنىلادى.
2 000 دانامەن شىعارىلعان سۋۆەنيرلىك بليستەر جيىنتىعى "قازاقستاننىڭ فۋتبول كلۋبتارى" 13 ءتۇرلى مونەتادان جانە ءبىر دانا "قازاقستاننىڭ فۋتبول فەدەراسياسى" مونەتاسىنان تۇرادى.
بارلىق مونەتا مەلحيور قوcپاسىنان (من 25) جاسالعان، سالماعى – 15 گرامم، ديامەترى – 33 مم، دايىنداۋ ساپاسى – brilliant uncirculated، نومينالى – 200 تەڭگە.
"قازاقستاننىڭ فۋتبول كلۋبتارى" مونەتالارى:
كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا وزدەرىنىڭ بەلگىلەنگەن قۇنىنا ساي تولەمدەردىڭ بارلىق ءتۇرى بويىنشا قابىلداۋعا، سونداي-اق ەلدىڭ بارلىق بانكىندە بانكتىك شوتتارعا ەسەپكە الۋعا، اۋدارۋعا، ۇساقتاۋعا جانە ايىرباستاۋعا جاتاتىنى ناقتىلانادى.
كوللەكسيالىق مونەتالار قازاقستان تەڭگە سارايىندا دايىندالدى.
