11 jasar balany azaptap óltirgender ustaldy
Vedomstvonyń baspasóz qyzmetiniń málimetinshe, Órken Azamatulynyń ógei sheshesi men onyń tórt sybailasynyń osy qylmysqa qatysy bar. Kúdiktilerdiń arasynda áieldiń qyzy men balasy bar ekeni belgili boldy. Tergeý málimetinshe, ol balanyń ákesinen kek alý úshin osyndai qylmysqa barǵan. Áiel qylmys jasamai turyp, Shymkentten birinshi nekedegi 1995 jylǵy ulyn shaqyrtqan. Sodan ol dosymen birge sonda kelip, áiel olarǵa balany urlaý úshin 100 myń teńge usynady. Keiinirek áieldiń 1997 jylǵy qyzy, uly jáne onyń dosy balany ańdyp, 19 qańtarda urlap ketedi.
"Olar balany aialdamaǵa barar jolda qarsy alǵan. Sodan bala olardy tanyǵandyqtan, kólikke otyrady. Kólik júrgizýshisi áieldiń tanysy bolyp shyǵady. Sondai-aq, ol da bul qylmys jaily bilgen. Sodan tórteýi balany urlap ketip, Naýryzbai aýdanyndaǵy jer úilerdiń birine aparady. Áiel bul úidi aldyn-ala jaldaǵan eken. Saraptama balanyń sol kúni-aq qaitys bolǵanyn kórsetti. Olar balany qylǵyndyryp, jaraqattaǵan. Sol jaqta jerlegen", - dedi IID resmi ókili Saltanat Ázirbek.
Sonymen qatar, IID resmi ókili balanyń ógei sheshesi men onyń dosynyń Shymkentke ketpekshi bolǵanyn aitty. Alaida olar ustaldy, sebebi balanyń ájesi aryz jazǵan. Aita keteiik, 11 jastaǵy Órken osy ýaqytqa deiin ájesimen birge turǵan eken. Ájesiniń aitýynsha, Órken jaýapkershiligi bar bala bolatyn jáne ol eshqashan keshikpeitin.
"Aryz kelip túskennen beri biz qaladaǵy barlyq kompiýterlik klýbty tekserip shyqtyq. Túrli nusqalardy oiladyq. Kriminaldyq politsiia qyzmetkerleri de óz nusqalaryn qarady. Sodan balanyń ógei sheshesinen kúdiktendik. Qazir olar ýaqytsha ustaý izoliatoryna qamaldy", - dedi Saltanat Ázirbek.
Qazirgi ýaqytta QR Qylmystyq kodeksiniń 99 jáne 125-baptary boiynsha sotqa deiingi tergeý jumystary júrgizilip jatyr.
Balanyń ájesi Baǵdagúl apanyń aitýynsha, ógei sheshesi bul qylmysty ákesinen kek alý úshin jasaǵan. "Bul áiel meniń ulymmen urysatyn. Ulym odan ketkisi keldi. Sodan ol ulymnan osylaisha kek aldy. Balany urlap, óltirip tastady. Olardyń taǵy bir balasy - úsh jastaǵy qyzy bar", - dedi balanyń ájesi.
Aita keteiik, máiiti tabylǵan 11 jastaǵy balany óltirdi degen kúdikpen ógei sheshesiniń jáne taǵy tórt adamnyń ustalǵany habarlanǵan bolatyn. "2005 jylǵy Azamatuly Ońǵardy urlaý jáne óltirýdi uiymdastyrdy degen kúdikpen onyń ógei sheshesi - 1980 jylǵy azamatsha A. ustaldy", - delingen edi IID habarlamasynda.
Eske salaiyq, Órken Azamatuly keshe óli tabylǵan edi. "Politseiler búgin túste habarlasyp, Órkenniń denesin tapqanyn aitty. Balanyń neden ólgenin olar áli aitpady. Ony taný bardyq, bul bizdiń Órken", - degen edi oqýshynyń aǵasy Nurbek.
Azamatuly Órken túste sabaqtan qaityp kele jatqan ýaqytta joǵalyp ketken. Sońǵy ret ony synyptastary kórgen eken. Olardyń aitýynsha, Órken saǵat 13.30 ben 14.00 aralyǵynda sabaqtan shyǵyp, Shevchenko men Rozybakiev kósheleriniń qiylysyndaǵy aialdamada turǵan. Keiinnen ol № 135 avtobýsqa minip, úi jaǵyna qarai ketken. Sodan keiin ony eshkim kórmegen.
