11 جاسار بالانى ازاپتاپ ولتىرگەندەر ۇستالدى

Dalanews 23 قاڭ. 2017 12:52 659

الماتى وبلىستىق ىشكى ىستەر دەپارتامەنتىندەگىلەر 11 جاستاعى وركەن ازامات ۇلىنىڭ ولىمىنە قاتىستى جاڭا دەرەكتەردى ايتتى. بۇل تۋرالى Tengrinews.kz-كە سىلتەمە جاساپ، dalanews.kz سايتى حابارلايدى.

ۆەدومستۆونىڭ باسپا ءسوز قىزمەتىنىڭ مالىمەتىنشە، وركەن ازامات ۇلىنىڭ وگەي شەشەسى مەن ونىڭ ءتورت سىبايلاسىنىڭ وسى قىلمىسقا قاتىسى بار. كۇدىكتىلەردىڭ اراسىندا ايەلدىڭ قىزى مەن بالاسى بار ەكەنى بەلگىلى بولدى. تەرگەۋ مالىمەتىنشە، ول بالانىڭ اكەسىنەن كەك الۋ ءۇشىن وسىنداي قىلمىسقا بارعان. ايەل قىلمىس جاساماي تۇرىپ، شىمكەنتتەن ءبىرىنشى نەكەدەگى 1995 جىلعى ۇلىن شاقىرتقان. سودان ول دوسىمەن بىرگە سوندا كەلىپ، ايەل ولارعا بالانى ۇرلاۋ ءۇشىن 100 مىڭ تەڭگە ۇسىنادى. كەيىنىرەك ايەلدىڭ 1997 جىلعى قىزى، ۇلى جانە ونىڭ دوسى بالانى اڭدىپ، 19 قاڭتاردا ۇرلاپ كەتەدى.

"ولار بالانى ايالداماعا بارار جولدا قارسى العان. سودان بالا ولاردى تانىعاندىقتان، كولىككە وتىرادى. كولىك جۇرگىزۋشىسى ايەلدىڭ تانىسى بولىپ شىعادى. سونداي-اق، ول دا بۇل قىلمىس جايلى بىلگەن. سودان تورتەۋى بالانى ۇرلاپ كەتىپ، ناۋرىزباي اۋدانىنداعى جەر ۇيلەردىڭ بىرىنە اپارادى. ايەل بۇل ءۇيدى الدىن-الا جالداعان ەكەن. ساراپتاما بالانىڭ سول كۇنى-اق قايتىس بولعانىن كورسەتتى. ولار بالانى قىلعىندىرىپ، جاراقاتتاعان. سول جاقتا جەرلەگەن"، - دەدى ءىىد رەسمي وكىلى سالتانات ازىربەك.

سونىمەن قاتار، ءىىد رەسمي وكىلى بالانىڭ وگەي شەشەسى مەن ونىڭ دوسىنىڭ شىمكەنتكە كەتپەكشى بولعانىن ايتتى. الايدا ولار ۇستالدى، سەبەبى بالانىڭ اجەسى ارىز جازعان. ايتا كەتەيىك، 11 جاستاعى وركەن وسى ۋاقىتقا دەيىن اجەسىمەن بىرگە تۇرعان ەكەن. اجەسىنىڭ ايتۋىنشا، وركەن جاۋاپكەرشىلىگى بار بالا بولاتىن جانە ول ەشقاشان كەشىكپەيتىن.

"ارىز كەلىپ تۇسكەننەن بەرى ءبىز قالاداعى بارلىق كومپيۋتەرلىك كلۋبتى تەكسەرىپ شىقتىق. ءتۇرلى نۇسقالاردى ويلادىق. كريمينالدىق پوليسيا قىزمەتكەرلەرى دە ءوز نۇسقالارىن قارادى. سودان بالانىڭ وگەي شەشەسىنەن كۇدىكتەندىك. ءقازىر ولار ۋاقىتشا ۇستاۋ يزولياتورىنا قامالدى"، - دەدى سالتانات ازىربەك.

قازىرگى ۋاقىتتا ق ر قىلمىستىق كودەكسىنىڭ 99 جانە 125-باپتارى بويىنشا سوتقا دەيىنگى تەرگەۋ جۇمىستارى جۇرگىزىلىپ جاتىر.

بالانىڭ اجەسى باعداگۇل اپانىڭ ايتۋىنشا، وگەي شەشەسى بۇل قىلمىستى اكەسىنەن كەك الۋ ءۇشىن جاساعان. "بۇل ايەل مەنىڭ ۇلىممەن ۇرىساتىن. ۇلىم ودان كەتكىسى كەلدى. سودان ول ۇلىمنان وسىلايشا كەك الدى. بالانى ۇرلاپ، ءولتىرىپ تاستادى. ولاردىڭ تاعى ءبىر بالاسى - ءۇش جاستاعى قىزى بار"، - دەدى بالانىڭ اجەسى.

ايتا كەتەيىك، ءمايىتى تابىلعان 11 جاستاعى بالانى ءولتىردى دەگەن كۇدىكپەن وگەي شەشەسىنىڭ جانە تاعى ءتورت ادامنىڭ ۇستالعانى حابارلانعان بولاتىن. "2005 جىلعى ازامات ۇلى وڭعاردى ۇرلاۋ جانە ءولتىرۋدى ۇيىمداستىردى دەگەن كۇدىكپەن ونىڭ وگەي شەشەسى - 1980 جىلعى ازاماتشا ا. ۇستالدى"، - دەلىنگەن ەدى ءىىد حابارلاماسىندا.

ەسكە سالايىق، وركەن ازامات ۇلى كەشە ءولى تابىلعان ەدى. "پوليسەيلەر بۇگىن تۇستە حابارلاسىپ، وركەننىڭ دەنەسىن تاپقانىن ايتتى. بالانىڭ نەدەن ولگەنىن ولار ءالى ايتپادى. ونى تانۋ باردىق، بۇل ءبىزدىڭ وركەن"، - دەگەن ەدى وقۋشىنىڭ اعاسى نۇربەك.

ازامات ۇلى وركەن تۇستە ساباقتان قايتىپ كەلە جاتقان ۋاقىتتا جوعالىپ كەتكەن. سوڭعى رەت ونى سىنىپتاستارى كورگەن ەكەن. ولاردىڭ ايتۋىنشا، وركەن ساعات 13.30 بەن 14.00 ارالىعىندا ساباقتان شىعىپ، شيەۆچەنكو مەن روزىباكييەۆ كوشەلەرىنىڭ قيىلىسىنداعى ايالدامادا تۇرعان. كەيىننەن ول № 135 اۆتوبۋسقا ءمىنىپ، ءۇي جاعىنا قاراي كەتكەن. سودان كەيىن ونى ەشكىم كورمەگەن.

ۇسىنىلعان
سوڭعى جاڭالىقتار