Elimizdiń meteorologtary ózderiniń jalaqysynyń mardymsyzdyǵyna shaǵymdanyp, Májiliske ujymdyq hat joldady. Ony búgin, 18 jeltoqsanda depýtat Ajar Saǵyndyqova Úkimetke jetkizip, osy sanattaǵy qyzmetkerlerdiń jalaqysyn 100%-ǵa arttyrýdy surady, dep jazady Dalanews.kz.
Infliatsiiasy ai saiyn kúsheigen Qazaqstanda ailyǵy 120 myń teńge bolatyn meteorologiia salasynyń mamandaryna otbasyn asyraý qiynǵa soǵýda.
"Qazgidromettiń" boljamdaryn aýyl sharýashylyǵynan aviatsiiaǵa deiingi túrli saladaǵy kásiporyndar paidalanady. Meteorologtar meteostantsiialarda otyra bermeidi, jylýy, sý joq shalǵai aýmaqta ornalasqan konteinerlerde táýlik boiy kezekshilik etedi. Taýǵa da, tasqa da shyǵyp, ólshemder júrgizedi. Al osyndai aýyr jumys jaǵdaiyna qaramastan tehnikter óte tómen jalaqy alady", — dedi Ajar Saǵyndyqova Májilistiń jalpy otyrysynda.
Depýtatttyń aitýynsha, 2023 jyldyń maýsym aiynda meteorologtardyń jalaqysy 70%-ǵa ulǵaiǵanymen, olar ýáde etilgen 100%-ǵa óspegen. Sondaǵysy - 120 myń teńge.
"Mysaly, qar jaýý kezinde túsiriletin túsirilimge bar bolǵany 1200 teńge tólenedi. Tehnikter, kóbine dalada,eldimekenderden 2-3, 5 shaqyrym qashyqtyqta júredi. Olarǵa jabaiy janýarlar kezigý táýekeli joǵary, biraq eńbek jaǵdailary durys baǵalanbaidy",— dep túsindiredi depýtat.
Sonymen qatar, Ajar Saǵyndyqova meteostantsiia qyzmetkerleri jumys ýaqytynyń jiyntyq esebine bailanysty tolyq jalaqy ala almaitynyn atap ótti.
"Olar aiyna kem degende 10 saǵat artyq jumys isteidi, biraq ústemeaqy tek jyldyń sońynda tólenedi. Onyń ústine, demalys jáne dárigerge qaralýǵa suranǵan kezdegi saǵattary osy artyq jumystan shegeriledi. Syiaqy degen múlde qarastyrylmaidy", - dedi ol.
Depýtat meteorolog-tehnikterdiń jalaqysyn 100%-ǵa arttyrýdy, sondai-aq olarǵa qosymsha jumystary úshin ústemeaqy tóleýdi jáne qosymsha demalys kúnderin berýdi usyndy.
"Memlekettik jáne basqa da merekelerge arnalǵan syilyqaqylardy da qarastyrý qajet", — dep sózin tolyqtyrdy Ajar Saǵyndyqova.
Buǵan deiin Ulytaý oblysynda kenshiler ereýilge shyqqanyn,"Qazaqmys" jumysshylary jalaqysyn ósiretin bolǵanyn jazǵanbyz.
