Tanymal jýrnalıs Sáýle Ábildahanqyzy elde 100 adamnan artyq qonaq shaqyryp, toı ótkizýge zań júzinde shekteý qoıýdy usyndy, dep habarlaıdy Dalanews.kz.

Jýrnalıs áleýmettik jelidegi paraqshasynda Shymkentte jańadan ashylǵan úlken toıhananyń sýretin jarıalap, qoǵamdaǵy daraqylyq pen ysyrapshyldyqty synǵa aldy. Keıbir jeli qoldanýshylary bul nysan Tashkentte ornalasqanyn da alǵa tartty.

"Bu qazaqqa 100 adamnan artyqqa toı jasaýǵa zań júzinde tyıym salmaı, damý joq. Nadandyq qorasyna osy kirgeni kirgen. Nesıe balshyǵyna osy batqany batqan. Daraqylyq boǵyna osy súńgigeni súńgigen", - dep jazdy ol áleýmettik jelidegi paraqshasynda.

Bul pikir jeli qoldanýshylary arasynda qyzý talqy týdyrdy. Kópshilik jýrnalısiń pikirin qoldap, toı mádenıetin qaıta qaraý qajet ekenin aıtty:

"Tyıym ne shekteý bolmaı toqtaıtyn túrimiz joq", "Daraqy,ysyrapshyl, maqtanshaq halyq boldyq qoı", "Durys! Sondaı zań ózbekterde bar dep estigenmin. Qazaqstanǵa da kerek", "Toıhana sala bermeı, zaýyt-fabrıka salý kerek", "Toılardy burynǵysha úıde jasaý kerek".