تانىمال جۋرناليست سەۋلە ەبٸلداحانقىزى ەلدە 100 ادامنان ارتىق قوناق شاقىرىپ, توي ٶتكٸزۋگە زاڭ جٷزٸندە شەكتەۋ قويۋدى ۇسىندى, دەپ حابارلايدى Dalanews.kz.
جۋرناليست ەلەۋمەتتٸك جەلٸدەگٸ پاراقشاسىندا شىمكەنتتە جاڭادان اشىلعان ٷلكەن تويحانانىڭ سۋرەتٸن جارييالاپ, قوعامداعى داراقىلىق پەن ىسىراپشىلدىقتى سىنعا الدى. كەيبٸر جەلٸ قولدانۋشىلارى بۇل نىسان تاشكەنتتە ورنالاسقانىن دا العا تارتتى.
"بۇ قازاققا 100 ادامنان ارتىققا توي جاساۋعا زاڭ جٷزٸندە تىيىم سالماي, دامۋ جوق. ناداندىق قوراسىنا وسى كٸرگەنٸ كٸرگەن. نەسيە بالشىعىنا وسى باتقانى باتقان. داراقىلىق بوعىنا وسى سٷڭگٸگەنٸ سٷڭگٸگەن", - دەپ جازدى ول ەلەۋمەتتٸك جەلٸدەگٸ پاراقشاسىندا.
بۇل پٸكٸر جەلٸ قولدانۋشىلارى اراسىندا قىزۋ تالقى تۋدىردى. كٶپشٸلٸك جۋرناليستٸڭ پٸكٸرٸن قولداپ, توي مەدەنيەتٸن قايتا قاراۋ قاجەت ەكەنٸن ايتتى:
"تىيىم نە شەكتەۋ بولماي توقتايتىن تٷرٸمٸز جوق", "داراقى,ىسىراپشىل, ماقتانشاق حالىق بولدىق قوي", "دۇرىس! سونداي زاڭ ٶزبەكتەردە بار دەپ ەستٸگەنمٸن. قازاقستانعا دا كەرەك", "تويحانا سالا بەرمەي, زاۋىت-فابريكا سالۋ كەرەك", "تويلاردى بۇرىنعىشا ٷيدە جاساۋ كەرەك".
