Polshanyń Katovitse qalasynda ashylǵan qushaqtasý salony búginderi keńinen tanymaldyqqa ie. Ol, negizinen, jalǵyzbasty adamdarǵa arnalǵan. Eki jyl buryn ashylǵan mekeme, bastapqyda óz qyzmetiniń munshalyqty suranysqa ie bolatynyn kútpepti, dep jazady Dalanews.kz.
Kóbinese mekemeniń klientteri 40 pen 60 jas aralyǵyndaǵy adamdar. Salonda kezdesken olar qushaqtasyp, bir-birinen psihologiialyq qoldaý alady eken. Qyzmet quny - 1 saǵatyna – 37 dollar.
"Ortalyqtyń negizin qalaýshy, koých Aleksandra Kasperek jalǵyzdyqpen, jan jarasymen kúresýge kómektesip, dárister ótkizedi", dep jazady Daily Mail.
Salonǵa kelgen adam, eń birinshi kezekte, saýalnamaǵa qatysyp, odan keiin dýsh qabyldap, ústine tek halat kiedi. Biraq seksýaldy áreketke bul arada jol joq. Eger osy sipattaǵy belgiler baiqalsa, ol adamdar salonnan birden qýylady eken.
Aita ketsek, 14 naýryzda elimizde Naýryz meiramynyń basy Kórisý kúni degen bar. Bul kúndi Amal merekesi dep te aitady. Halyq qystan aman-esen shyqqanyna, kóktemge aiaq basyp, týys-týǵan, kórshi-kóleńmen júzdeskenine qýanyp, qol alysyp, tós qaǵysady, qushaqtasyp, qaýyshady. Osylaisha arazdyq, ókpe-renishti umytyp, bir-birine amandyq tileidi.
