Ыстамбұлдағы Сабиха Гөкчен әуежайы бір күнде қабылданған рейстер мен жолаушылар саны бойынша рекорд жаңартты. 9 тамызда әуежай 935 рейс пен 179 789 жолаушыға қызмет көрсетіп, тарихи ең жоғары көрсеткішке жетті, деп хабарлайды dalanews.kz Anadolu басылымына сілтеп.
Әуежайлар мен аэронавигация басқармасы (HEAŞ) мәліметінше, 9 тамызда Сабиха Гөкчен халықаралық әуежайында тәуліктегі жолаушылар ағыны мен рейстер санының ең жоғары көрсеткіші тіркелген.
Рекорд орнаған күні рейстердің 56,5 пайызы халықаралық бағыттарға, 43,5 пайызы ішкі бағыттарға тиесілі болған. Жалпы жолаушылар ағынының 56 пайызы - халықаралық, 44 пайызы - ішкі тасымалдар.
Сонымен қатар, келген жолаушылар жалпы жолаушылар ағынының 50,4 пайызы, ал ұшып кеткендер 49,6 пайызы болған. Осылайша, жоғары жүктеме екі бағыт арасында тең бөлінген.
Сабиха Гөкчен халықаралық әуежайының бұған дейінгі рекорды 2026 жылғы 2 тамызда тіркелген. Ол кезде әуежай бір тәулікте 919 рейс қабылдап, 174 325 жолаушыға қызмет көрсеткен.
