Ystambuldaǵy Sabiha Gókchen áýejaiy bir kúnde qabyldanǵan reister men jolaýshylar sany boiynsha rekord jańartty. 9 tamyzda áýejai 935 reis pen 179 789 jolaýshyǵa qyzmet kórsetip, tarihi eń joǵary kórsetkishke jetti, dep habarlaidy dalanews.kz Anadolu basylymyna siltep.
Áýejailar men aeronavigatsiia basqarmasy (HEAŞ) málimetinshe, 9 tamyzda Sabiha Gókchen halyqaralyq áýejaiynda táýliktegi jolaýshylar aǵyny men reister sanynyń eń joǵary kórsetkishi tirkelgen.
Rekord ornaǵan kúni reisterdiń 56,5 paiyzy halyqaralyq baǵyttarǵa, 43,5 paiyzy ishki baǵyttarǵa tiesili bolǵan. Jalpy jolaýshylar aǵynynyń 56 paiyzy - halyqaralyq, 44 paiyzy - ishki tasymaldar.
Sonymen qatar, kelgen jolaýshylar jalpy jolaýshylar aǵynynyń 50,4 paiyzy, al ushyp ketkender 49,6 paiyzy bolǵan. Osylaisha, joǵary júkteme eki baǵyt arasynda teń bólingen.
Sabiha Gókchen halyqaralyq áýejaiynyń buǵan deiingi rekordy 2026 jylǵy 2 tamyzda tirkelgen. Ol kezde áýejai bir táýlikte 919 reis qabyldap, 174 325 jolaýshyǵa qyzmet kórsetken.
