ىستامبۇلداعى سابيحا گٶكچەن ەۋەجايى بٸر كٷندە قابىلدانعان رەيستەر مەن جولاۋشىلار سانى بويىنشا رەكورد جاڭارتتى. 9 تامىزدا ەۋەجاي 935 رەيس پەن 179 789 جولاۋشىعا قىزمەت كٶرسەتٸپ, تاريحي ەڭ جوعارى كٶرسەتكٸشكە جەتتٸ, دەپ حابارلايدى dalanews.kz Anadolu باسىلىمىنا سٸلتەپ.
ەۋەجايلار مەن اەروناۆيگاتسييا باسقارماسى (HEAŞ) مەلٸمەتٸنشە, 9 تامىزدا سابيحا گٶكچەن حالىقارالىق ەۋەجايىندا تەۋلٸكتەگٸ جولاۋشىلار اعىنى مەن رەيستەر سانىنىڭ ەڭ جوعارى كٶرسەتكٸشٸ تٸركەلگەن.
رەكورد ورناعان كٷنٸ رەيستەردٸڭ 56,5 پايىزى حالىقارالىق باعىتتارعا, 43,5 پايىزى ٸشكٸ باعىتتارعا تيەسٸلٸ بولعان. جالپى جولاۋشىلار اعىنىنىڭ 56 پايىزى - حالىقارالىق, 44 پايىزى - ٸشكٸ تاسىمالدار.
سونىمەن قاتار, كەلگەن جولاۋشىلار جالپى جولاۋشىلار اعىنىنىڭ 50,4 پايىزى, ال ۇشىپ كەتكەندەر 49,6 پايىزى بولعان. وسىلايشا, جوعارى جٷكتەمە ەكٸ باعىت اراسىندا تەڭ بٶلٸنگەن.
سابيحا گٶكچەن حالىقارالىق ەۋەجايىنىڭ بۇعان دەيٸنگٸ رەكوردى 2026 جىلعى 2 تامىزدا تٸركەلگەن. ول كەزدە ەۋەجاي بٸر تەۋلٸكتە 919 رەيس قابىلداپ, 174 325 جولاۋشىعا قىزمەت كٶرسەتكەن.
