Түркістанда аңшы мылтығын заңсыз сақтаған тұрғыннан 200 мың теңге сұрады деген күдікпен ұсталған полиция қызметкеріне қатысты іс тосын шешіммен аяқталды, деп хабарлайды Dalanews.kz orda.kz-ке сілтеп.
Басылым мәліметінше, төрт ай бұрын ҰҚК қызметкерлері ұстаған тәртіп сақшысы сол сәтте қашып кетуге әрекеттенген. Алғашында іс жемқорлық дерегі бойынша қозғалғанымен, кейін алаяқтық бабына өзгертілген.
Прокурор оны 5 жылға бас бостандығынан айыруды сұраған. Алайда сот үкімі жеңілдеп, 1 930 000 теңге көлемінде айыппұл төлеу міндеттелді.
Осылайша 38 жастағы айыпталушы сот залынан бостандыққа шыққан. Бұған дейін ол қызметі мен барлық атағынан айырылған.
