تۇركىستاندا اڭشى مىلتىعىن زاڭسىز ساقتاعان تۇرعىننان 200 مىڭ تەڭگە سۇرادى دەگەن كۇدىكپەن ۇستالعان پوليسيا قىزمەتكەرىنە قاتىستى ءىس توسىن شەشىممەن اياقتالدى، دەپ حابارلايدى Dalanews.kz orda.kz-كە سىلتەپ.

باسىلىم مالىمەتىنشە، ءتورت اي بۇرىن ۇقك قىزمەتكەرلەرى ۇستاعان ءتارتىپ ساقشىسى سول ساتتە قاشىپ كەتۋگە ارەكەتتەنگەن. العاشىندا ءىس جەمقورلىق دەرەگى بويىنشا قوزعالعانىمەن، كەيىن الاياقتىق بابىنا وزگەرتىلگەن.

پروكۋرور ونى 5 جىلعا باس بوستاندىعىنان ايىرۋدى سۇراعان. الايدا سوت ۇكىمى جەڭىلدەپ، 1 930 000 تەڭگە كولەمىندە ايىپپۇل تولەۋ مىندەتتەلدى.

وسىلايشا 38 جاستاعى ايىپتالۋشى سوت زالىنان بوستاندىققا شىققان. بۇعان دەيىن ول قىزمەتى مەن بارلىق اتاعىنان ايىرىلعان.