Түркістан облысында қарт әкесін қорлаған ер адам сотта елден кешірім сұрады, деп хабарлайды Dalanews.kz.
Жетісай аудандық сотында әкесін ұрды деген күдікке ілінген ер адамның ісі аяқталуға жақындады. 15 қаңтарда айыпталушы соңғы сөзін сөйледі.
"Барлығынан кешірім сұраймын. Барлық қазақ халқынан. Өз әрекетіме шын жүректен өкінемін. Туыстарымнан кешірім сұраймын. Ашуға берілдім. Өмір бойы өкінемін. Қателестім. Барлық мұсылман халқынан кешірім сұраймын. Мені түсініп, кешіруін сұраймын. Кінәмді толық мойындаймын", – деді айыпталушы сотта.
Айта кетейік, бұған дейін әкесін өлімші етіп сабаған ер адам 10 жылға дейін сотталуы мүмкін екені хабарланды.
