Túrkistan oblysynda qart ákesin qorlaǵan er adam sotta elden keshirim surady, dep habarlaidy Dalanews.kz.
Jetisai aýdandyq sotynda ákesin urdy degen kúdikke ilingen er adamnyń isi aiaqtalýǵa jaqyndady. 15 qańtarda aiyptalýshy sońǵy sózin sóiledi.
"Barlyǵynan keshirim suraimyn. Barlyq qazaq halqynan. Óz áreketime shyn júrekten ókinemin. Týystarymnan keshirim suraimyn. Ashýǵa berildim. Ómir boiy ókinemin. Qatelestim. Barlyq musylman halqynan keshirim suraimyn. Meni túsinip, keshirýin suraimyn. Kinámdi tolyq moiyndaimyn", – dedi aiyptalýshy sotta.
Aita keteiik, buǵan deiin ákesin ólimshi etip sabaǵan er adam 10 jylǵa deiin sottalýy múmkin ekeni habarlandy.
