Ақтөбеде жантүршігерлік кісі өлімі бойынша үкім шықты, деп хабарлайды Dalanews.kz.
Сот мәліметінше, жәбірленуші М. саябақта болған кезде өтіп бара жатқан сотталушы К.-дан темекі сұраған. Сотталушы К. оған дөрекі жауап қайтарып, екеуінің арасында келіспеушілік пайда болған.
"Сол кезде сотталушы К. қалтасынан пышақ шығарып, 6 соққы жасаған. Салдарынан жәбірленуші ауруханада қайтыс болған", - деп жазылған мәліметте.
Сотталушының кінәсі жәбірленуші өкілі мен куәнің жауаптарымен, сараптама қорытындыларымен, бейнебақылау камерасындағы жазбалармен және де басқа заттай дәлелдермен дәлелденді.
Алқабилердің кесімімен К. ҚК-тің 99-бабының 2-бөлігі, 9)-тармағы бойынша кінәлі деп танылып, оған түпкілікті 20 жылға бас бостандығынан айыру жазасы тағайындалды.
Сот үкімі заңды күшіне енген жоқ.
