Aqtóbede jantúrshigerlik kisi ólimi boıynsha úkim shyqty, dep habarlaıdy Dalanews.kz.

Sot málimetinshe, jábirlenýshi M. saıabaqta bolǵan kezde ótip bara jatqan sottalýshy K.-dan temeki suraǵan. Sottalýshy K. oǵan dóreki jaýap qaıtaryp, ekeýiniń arasynda kelispeýshilik paıda bolǵan.

"Sol kezde sottalýshy K. qaltasynan pyshaq shyǵaryp, 6 soqqy jasaǵan. Saldarynan jábirlenýshi aýrýhanada qaıtys bolǵan", - dep jazylǵan málimette.

Sottalýshynyń kinási jábirlenýshi ókili men kýániń jaýaptarymen, saraptama qorytyndylarymen, beınebaqylaý kamerasyndaǵy jazbalarmen jáne de basqa zattaı dáleldermen dáleldendi.  

Alqabılerdiń kesimimen K. QK-tiń 99-babynyń 2-bóligi, 9)-tarmaǵy boıynsha kináli dep tanylyp, oǵan túpkilikti 20 jylǵa bas bostandyǵynan aıyrý jazasy taǵaıyndaldy.

Sot úkimi zańdy kúshine engen joq.