"Қазақстандық Шетелдік инвесторлар кеңесі" қауымдастығының директоры Жанна Байдашева шетелдік компаниялардың қандай салаларға инвестиция салуды жоспарлап отырғанын айтты, деп хабарлайды Dalanews.kz.
Оның айтуынша, халықаралық ұйымдардың басшылары мен жетекшілері, вице-президенттері Қазақстан үшін жаңа бастамалар, ұсыныстар, жобалар ұсынбақ. Олар денсаулық сақтау, фармацевтика, жер қойнауын пайдалану, көлік және логистика салаларына қамитды.
"Сондай-ақ мұнай-газ, цифрландыру да қамтылады, өйткені бұл - Қазақстан үшін өте маңызды салалар", – деді Байдашева.
Ол Қытай мен АҚШ мұнай-газ саласына, ал еуропалық және американдық компаниялар денсаулық сақтау саласына инвестиция салуға дайын екенін айтты.
"Біз қазір басқа елдерге тәуелді болмас үшін өзіміздің дәрі-дәрмек өндірісімізді дамыту үшін көп жұмыс істеп жатырмыз. Сондай-ақ, әрине, ғылымды, зертханаларды, зерттеулерді дамытуға, жаңа технологияларды тартуға, адами капиталды дамытуға және кадрлар даярлауға инвестиция салатын болады", - дейді Жанна Байдашева.
Айта кетсек, күні кеше, 30 қазанда Мемлекет басшысы Қасым-Жомарт Тоқаев G42 компаниясының басқарма төрағасы Пенг Сяоны қабылдады.Штаб пәтері БАӘ-де орналасқан G42 компаниясы жасанды интеллект, киберқылмыс,цифрландыру сынды бағытта жұмыс істейді. Мәселен, бүкіл дүниежүзі полициясы пайдаланатын бейнебақылау жобасы осы компанияға тиесілі.
