"Qazaqstandyq Sheteldik investorlar keńesi" qaýymdastyǵynyń direktory Janna Baidasheva sheteldik kompaniialardyń qandai salalarǵa investitsiia salýdy josparlap otyrǵanyn aitty, dep habarlaidy Dalanews.kz.
Onyń aitýynsha, halyqaralyq uiymdardyń basshylary men jetekshileri, vitse-prezidentteri Qazaqstan úshin jańa bastamalar, usynystar, jobalar usynbaq. Olar densaýlyq saqtaý, farmatsevtika, jer qoinaýyn paidalaný, kólik jáne logistika salalaryna qamitdy.
"Sondai-aq munai-gaz, tsifrlandyrý da qamtylady, óitkeni bul - Qazaqstan úshin óte mańyzdy salalar", – dedi Baidasheva.
Ol Qytai men AQSh munai-gaz salasyna, al eýropalyq jáne amerikandyq kompaniialar densaýlyq saqtaý salasyna investitsiia salýǵa daiyn ekenin aitty.
"Biz qazir basqa elderge táýeldi bolmas úshin ózimizdiń dári-dármek óndirisimizdi damytý úshin kóp jumys istep jatyrmyz. Sondai-aq, árine, ǵylymdy, zerthanalardy, zertteýlerdi damytýǵa, jańa tehnologiialardy tartýǵa, adami kapitaldy damytýǵa jáne kadrlar daiarlaýǵa investitsiia salatyn bolady", - deidi Janna Baidasheva.
Aita ketsek, kúni keshe, 30 qazanda Memleket basshysy Qasym-Jomart Toqaev G42 kompaniiasynyń basqarma tóraǵasy Peng Siaony qabyldady.Shtab páteri BAÁ-de ornalasqan G42 kompaniiasy jasandy intellekt, kiberqylmys,tsifrlandyrý syndy baǵytta jumys isteidi. Máselen, búkil dúniejúzi politsiiasy paidalanatyn beinebaqylaý jobasy osy kompaniiaǵa tiesili.
