"قازاقستاندىق شەتەلدىك ينۆەستورلار كەڭەسى" قاۋىمداستىعىنىڭ ديرەكتورى جاننا بايداشيەۆا شەتەلدىك كومپانيالاردىڭ قانداي سالالارعا ينۆەستيسيا سالۋدى جوسپارلاپ وتىرعانىن ايتتى، دەپ حابارلايدى Dalanews.kz.

ونىڭ ايتۋىنشا، حالىقارالىق ۇيىمداردىڭ باسشىلارى مەن جەتەكشىلەرى، ۆيسە-پرەزيدەنتتەرى قازاقستان ءۇشىن جاڭا باستامالار، ۇسىنىستار، جوبالار ۇسىنباق. ولار دەنساۋلىق ساقتاۋ، فارماسيەۆتيكا، جەر قويناۋىن پايدالانۋ، كولىك جانە لوگيستيكا سالالارىنا قاميتدى.

"سونداي-اق مۇناي-گاز، سيفرلاندىرۋ دا قامتىلادى، ويتكەنى بۇل - قازاقستان ءۇشىن وتە ماڭىزدى سالالار"، – دەدى بايداشيەۆا.

ول جۇڭگو مەن اقش مۇناي-گاز سالاسىنا، ال ەۋروپالىق جانە امەريكاندىق كومپانيالار دەنساۋلىق ساقتاۋ سالاسىنا ينۆەستيسيا سالۋعا دايىن ەكەنىن ايتتى.

"ءبىز ءقازىر باسقا ەلدەرگە تاۋەلدى بولماس ءۇشىن ءوزىمىزدىڭ دارى-دارمەك ءوندىرىسىمىزدى دامىتۋ ءۇشىن كوپ جۇمىس ىستەپ جاتىرمىز. سونداي-اق، ارينە، عىلىمدى، زەرتحانالاردى، زەرتتەۋلەردى دامىتۋعا، جاڭا تەحنولوگيالاردى تارتۋعا، ادامي كاپيتالدى دامىتۋعا جانە كادرلار دايارلاۋعا ينۆەستيسيا سالاتىن بولادى"، - دەيدى جاننا بايداشيەۆا.

ايتا كەتسەك، كۇنى كەشە، 30 قازاندا مەملەكەت باسشىسى قاسىم-جومارت توقايەۆ G42 كومپانياسىنىڭ باسقارما ءتوراعاسى پەنگ سياونى قابىلدادى.شتاب پاتەرى باا-دە ورنالاسقان G42 كومپانياسى جاساندى ينتەللەكت، كيبەرقىلمىس،سيفرلاندىرۋ سىندى باعىتتا جۇمىس ىستەيدى. ماسەلەن، بۇكىل دۇنيەجۇزى پوليسياسى پايدالاناتىن بەينەباقىلاۋ جوباسى وسى كومپانياعا تيەسىلى.