"112 пультіне Қостанай облысының Рудный қаласындағы тереңдігі 5 метр болатын бункерді тазарту жұмыстарын жүргізу барысында 4 адамның түсіп, қайта оралмағаны туралы хабарлама келіп түсті", - дейді ведомство.
"Құтқарушылар жұмысшылардың денелерін бункерден шығарып алды. Олар қайтыс болған. Оқиғаның мән-жайы анықталуда", - дейді төтенше жағдайлар департаменті.
Қайғылы оқиға 5 қазанда болған.
"Қазақмыс" корпорациясы жағдайға түсініктеме берді. Айтуларынша, барлық жұмысшы жедел түрде эвакуацияланған.
"Зардап шеккендер жақын жердегі медициналық мекемелерге жеткізілді. Өкінішке қарай, екі жұмысшы қайтыс болды.
Оқиғаның мән-жайы мен себептері анықталуда, қайғылы жағдайды тексеру үшін арнайы комиссия құрылды.
"Қазақмыс" басшылығы мен ұжымы қаза тапқандардың отбасылары мен жақындарына қайғырып көңіл айтады. Марқұмдардың отбасыларына қажетті барлық көмек көрсетіледі", - "Қазақмыс" корпорациясы.
Сонымен қатар Қарағанды облысында Қарқаралы ауданындағы дала өртін сөндіру барысында өрт сөндіруші қаза тапқан еді.
ТЖМ мәліметінше, оқиға 6 қазанда болған. № 24 өрт сөндіру бөлімінің аға өрт сөндіруші-құтқарушысы 1991 жылы туған Хали Хайрат көз жұмды. Сержант азаматтық қорғау органдарында 2014 жылдан бастап жұмыс істеген.
"Оқиғаның мән-жайы анықталуда. Сотқа дейінгі тергеу басталды. Ведомствоның Апаттар медицинасы орталығының психологтары қайтыс болған қызметкердің туыстарына қажетті психологиялық көмек көрсетіп жатыр", - делінген министрлік таратқан ақпаратта.
