"112 pýltine Qostanai oblysynyń Rýdnyi qalasyndaǵy tereńdigi 5 metr bolatyn býnkerdi tazartý jumystaryn júrgizý barysynda 4 adamnyń túsip, qaita oralmaǵany týraly habarlama kelip tústi", - deidi vedomstvo.
"Qutqarýshylar jumysshylardyń denelerin býnkerden shyǵaryp aldy. Olar qaitys bolǵan. Oqiǵanyń mán-jaiy anyqtalýda", - deidi tótenshe jaǵdailar departamenti.
Qaiǵyly oqiǵa 5 qazanda bolǵan.
"Qazaqmys" korporatsiiasy jaǵdaiǵa túsinikteme berdi. Aitýlarynsha, barlyq jumysshy jedel túrde evakýatsiialanǵan.
"Zardap shekkender jaqyn jerdegi meditsinalyq mekemelerge jetkizildi. Ókinishke qarai, eki jumysshy qaitys boldy.
Oqiǵanyń mán-jaiy men sebepteri anyqtalýda, qaiǵyly jaǵdaidy tekserý úshin arnaiy komissiia quryldy.
"Qazaqmys" basshylyǵy men ujymy qaza tapqandardyń otbasylary men jaqyndaryna qaiǵyryp kóńil aitady. Marqumdardyń otbasylaryna qajetti barlyq kómek kórsetiledi", - "Qazaqmys" korporatsiiasy.
Sonymen qatar Qaraǵandy oblysynda Qarqaraly aýdanyndaǵy dala órtin sóndirý barysynda órt sóndirýshi qaza tapqan edi.
TJM málimetinshe, oqiǵa 6 qazanda bolǵan. № 24 órt sóndirý bóliminiń aǵa órt sóndirýshi-qutqarýshysy 1991 jyly týǵan Hali Hairat kóz jumdy. Serjant azamattyq qorǵaý organdarynda 2014 jyldan bastap jumys istegen.
"Oqiǵanyń mán-jaiy anyqtalýda. Sotqa deiingi tergeý bastaldy. Vedomstvonyń Apattar meditsinasy ortalyǵynyń psihologtary qaitys bolǵan qyzmetkerdiń týystaryna qajetti psihologiialyq kómek kórsetip jatyr", - delingen ministrlik taratqan aqparatta.
