Қазақстанда әлеуметтік маңызы бар тауарлар тізімі кеңейтілді, деп хабарлайды Dalanews.kz.
Сауда және интеграция министрлігіне қарасты Сауда комитетінің төрағасы Ернұр Жәутікбаев әлеуметтік маңызы бар азық-түлік тауарлары тізіміне 31 атау енгізілетінін мәлімдеді. Олардың қатарында ет, балық, көкөніс және өзге де өнімдер бар. Оның айтуынша, бұл – уақытша шара.
"Ең басты мақсат – ең алдымен халық үшін бағаны қолжетімді ету. Әлеуметтік маңызы бар тауарлар тізімінің кеңеюі өндірушілерге ешқандай әсер етпейді, 15 пайыздық сауда үстемесі сақталады", – деді Ернұр Жәутікбаев.
Айта кетейік, әлеуметтік маңызы бар азық-түлік тауарлары бағасын реттеу халықтың күнделікті тұтынатын негізгі өнімдерінің қымбаттап кетуіне жол бермеуге бағытталған.
