قازاقستاندا الەۋمەتتىك ماڭىزى بار تاۋارلار ءتىزىمى كەڭەيتىلدى، دەپ حابارلايدى Dalanews.kz.
ساۋدا جانە ينتەگراسيا مينيسترلىگىنە قاراستى ساۋدا كوميتەتىنىڭ ءتوراعاسى ەرنۇر جاۋتىكبايەۆ الەۋمەتتىك ماڭىزى بار ازىق-تۇلىك تاۋارلارى تىزىمىنە 31 اتاۋ ەنگىزىلەتىنىن مالىمدەدى. ولاردىڭ قاتارىندا ەت، بالىق، كوكونىس جانە وزگە دە ونىمدەر بار. ونىڭ ايتۋىنشا، بۇل – ۋاقىتشا شارا.
"ەڭ باستى ماقسات – ەڭ الدىمەن حالىق ءۇشىن باعانى قولجەتىمدى ەتۋ. الەۋمەتتىك ماڭىزى بار تاۋارلار ءتىزىمىنىڭ كەڭەيۋى وندىرۋشىلەرگە ەشقانداي اسەر ەتپەيدى، 15 پايىزدىق ساۋدا ۇستەمەسى ساقتالادى"، – دەدى ەرنۇر جاۋتىكبايەۆ.
ايتا كەتەيىك، الەۋمەتتىك ماڭىزى بار ازىق-تۇلىك تاۋارلارى باعاسىن رەتتەۋ حالىقتىڭ كۇندەلىكتى تۇتىناتىن نەگىزگى ونىمدەرىنىڭ قىمباتتاپ كەتۋىنە جول بەرمەۋگە باعىتتالعان.
