Қазақстандағы алтын қорының көлемі 30 жылға жетеді. Бұл туралы мәліметпен ҚР Өнеркәсіп және құрылыс министрлігі бөлісті, деп хабарлайды Dalanews.kz.
Қазақстан – табиғи ресурстарға бай ел болып қала береді. Соңғы деректерге сәйкес, министрлік қазіргі өндіру көлемін ескере отырып, еліміздегі негізгі пайдалы қазбалардың жеткілікті мерзімі мынадай екенін хабарлайды:
- Алтын — 30 жыл
- Мыс — 38 жыл
- Қорғасын — 156 жыл
- Темір кендері — 957 жыл
- Көмір — 350 жыл
Сол сияқты тұрақтылық марганец, титан, молибден және басқа да стратегиялық маңызды пайдалы қазбалар бойынша да байқалады.
Бұл – қазбаларды ұтымды пайдаланып, геологиялық барлау жұмыстарын жүйелі жүргізу арқылы Қазақстан өз ресурстық әлеуетін сақтап қана қоймай, жаһандық шикізат нарығындағы орнын одан әрі нығайта алады деген сөз.
Ресурстық база тұрақтылығы – инвестиция тартудың, тау-кен өнеркәсібін дамытудың және елдің экономикалық қауіпсіздігін қамтамасыз етудің негізгі тірегі.
