Астанада Digital Bridge 2025 халықаралық технологиялық форумы басталды. Спикерлердің қатарында Telegram негізін қалаушы және бас атқарушы директоры Павел Дуров бар, деп хабарлайды Dalanews.kz.
Павел Дуров форумдағы сөзін былай деп бастады:
"Қазақстанға, ең сүйікті елдерімнің біріне қайта оралғаныма қуаныштымын. Бұл – ерекше жер. Мұнда технология, дәстүр, білім және отбасы құндылықтары тоғысады. АҚШ-тағы өте табысты достарымның бірі маған Қазақстаннан жар табуым керек екенін айтқан еді. Өкінішке қарай, бұл мақсатпен келген жоқпын. Мен мұнда жасанды интеллект туралы сөйлеу үшін келдім", – деді Telegram негізін қалаушы.
Еске салайық, бұған дейін Telegram негізін қалаушы Павел Дуров Қазақстанға келетіні хабарланды.
