Шымкенттің бұрынғы әкімі Ғабидолла Абдрахимов елді елең еткізіп, Жаңа жылмен құттықтады, деп хабарлайды Dalanews.kz.
Абдрахимов елді 16 қаңтарда құттықтаған.
Еске салайық, биыл 9 қаңтарда Шымкенттің экс-әкімі Ғабидолла Әбдірахымов "Самұрық-Қазынада" қызметке тағайындалған болатын.
Ақпаратқа сәйкес Samruk-Kazyna Construction басшылығының жұмыс сапары аясында компания кеңсесіне басқарма төрағасының эксплуатация жөніндегі орынбасары Ғабидолла Әбдірахымов барған.
Бұл ақпаратты "Самұрық-Қазына" қорының баспасөз қызметі де растады.
"2025 жылғы 29 желтоқсанда Ғабидолла Рахметоллаұлы Әбдірахымов Samruk-Kazyna Construction АҚ басқарма төрағасының эксплуатация жөніндегі орынбасары қызметіне тағайындалды", – делінген ресми хабарламада.
Сонымен қатар, Ғабидолла Әбдірахымовтың компанияның басқарма мүшесі емес екені нақтыланды.
