Мемлекет басшысының Жарлығымен Аида Балаева Қазақстан Республикасы Қауіпсіздік Кеңесі төрағасының орынбасары қызметіне тағайындалды, деп хабарлайды dalanews.kz.
Аида Балаева бұған дейін Қазақстан Республикасы Премьер-министрінің орынбасары – Мәдениет және ақпарат министрі қызметін атқарды. Ол бұл қызметке 2023 жылғы 2 қыркүйекте тағайындалған.
Балаева әр жылдары мемлекеттік басқару жүйесінде бірқатар жауапты қызмет атқарған. 2010-2014 жылдары Астана қаласы әкімінің орынбасары, 2014-2019 жылдары Президент Әкімшілігінің ішкі саясат бөлімінің меңгерушісі болды. 2019-2020 жылдары Президент көмекшісі – Президент Әкімшілігінің өтініштерді қарауды бақылау бөлімінің меңгерушісі қызметін атқарды.
2020-2022 жылдары Ақпарат және қоғамдық даму министрі, ал 2022-2023 жылдары Президент Әкімшілігі басшысының орынбасары болды.
Балаева – әлеуметтік ғылымдар кандидаты, «Құрмет» орденінің иегері.
