Memleket basshysynyń Jarlyǵymen Aida Balaeva Qazaqstan Respýblikasy Qaýipsizdik Keńesi tóraǵasynyń orynbasary qyzmetine taǵaiyndaldy, dep habarlaidy dalanews.kz.
Aida Balaeva buǵan deiin Qazaqstan Respýblikasy Premer-ministriniń orynbasary – Mádeniet jáne aqparat ministri qyzmetin atqardy. Ol bul qyzmetke 2023 jylǵy 2 qyrkúiekte taǵaiyndalǵan.
Balaeva ár jyldary memlekettik basqarý júiesinde birqatar jaýapty qyzmet atqarǵan. 2010-2014 jyldary Astana qalasy ákiminiń orynbasary, 2014-2019 jyldary Prezident Ákimshiliginiń ishki saiasat bóliminiń meńgerýshisi boldy. 2019-2020 jyldary Prezident kómekshisi – Prezident Ákimshiliginiń ótinishterdi qaraýdy baqylaý bóliminiń meńgerýshisi qyzmetin atqardy.
2020-2022 jyldary Aqparat jáne qoǵamdyq damý ministri, al 2022-2023 jyldary Prezident Ákimshiligi basshysynyń orynbasary boldy.
Balaeva – áleýmettik ǵylymdar kandidaty, «Qurmet» ordeniniń iegeri.
