Алдағы тәулікте Қазақстан аумағына Жерорта теңізі аймақтарынан келген циклонның әсері сақталады. Осыған байланысты елдің басым бөлігінде қар жауып, боран соғады, ал батыс, оңтүстік және оңтүстік-шығыс өңірлерде жаңбыр мен қар түріндегі жауын-шашын күтіледі, деп хабарлайды Dalanews.kz.
6 қаңтарда оңтүстік және оңтүстік-шығыс өңірлерде жауын-шашынның мол түсуі болжанады.
Республика бойынша көктайғақ, тұман, желдің күшеюі күтіледі.
Елдің батысында түнде ауа температурасы 1–9° аязға дейін төмендеп, күндіз 1° аяздан 6° жылуға дейін көтеріледі.
Орталық өңірлерде суық сақталады: түнде 12–20° аяз, күндіз 7–14° аяз.
Оңтүстікте түнде 1–8° аяз, күндіз 5° аяздан 3° жылуға дейін.
Оңтүстік-шығыста түнде 0–5° аяз, таулы аймақтарда 10–15° аяз, күндіз 3° аяздан 4° жылуға дейін, таулы өңірлерде 6–11° аяз күтіледі.
Шығыс өңірлерде түнде 7–15° аяз, күндіз 6–12° аяз болжанады.
