Aldaǵy táýlikte Qazaqstan aýmaǵyna Jerorta teńizi aımaqtarynan kelgen sıklonnyń áseri saqtalady. Osyǵan baılanysty eldiń basym bóliginde qar jaýyp, boran soǵady, al batys, ońtústik jáne ońtústik-shyǵys óńirlerde jańbyr men qar túrindegi jaýyn-shashyn kútiledi, dep habarlaıdy Dalanews.kz.

6 qańtarda ońtústik jáne ońtústik-shyǵys óńirlerde jaýyn-shashynnyń mol túsýi boljanady.
Respýblıka boıynsha kóktaıǵaq, tuman, jeldiń kúsheıýi kútiledi.

Eldiń batysynda túnde aýa temperatýrasy 1–9° aıazǵa deıin tómendep, kúndiz 1° aıazdan 6° jylýǵa deıin kóteriledi.

Ortalyq óńirlerde sýyq saqtalady: túnde 12–20° aıaz, kúndiz 7–14° aıaz.

Ońtústikte túnde 1–8° aıaz, kúndiz 5° aıazdan 3° jylýǵa deıin.

Ońtústik-shyǵysta túnde 0–5° aıaz, taýly aımaqtarda 10–15° aıaz, kúndiz 3° aıazdan 4° jylýǵa deıin, taýly óńirlerde 6–11° aıaz kútiledi.

Shyǵys óńirlerde túnde 7–15° aıaz, kúndiz 6–12° aıaz boljanady.