الماتى قالاسىنداعى حيمييا-بيولوگييا باعىتىنداعى NIS وقۋشىلارى اقش-تىڭ بوستون قالاسىنداعى ەيگٸلٸ ماسساچۋسەتس تەحنولوگييالىق ينستيتۋتىنىڭ ۇيىمداستىرۋىمەن ٶتەتٸن XVI MIT MUN كونفەرەنتسيياسىنان ورالدى. جاھاندىق فورۋم ەلەمنٸڭ بارلىق كونتينەنتتەرٸنٸڭ 50-دەن استام ەلدەرٸنەن كەلگەن 300-دەن اسا دەلەگاتتارىن بٸر الاڭعا جينادى. زيياتكەرلەر امەريكا قۇراما شتاتتارىنىڭ, ۇلىبريتانييا, گەرمانييا, كانادا, اۆسترييا, شۆەيتسارييا, قىتاي, اۆسترالييا, پولشا, شۆەتسييا سىندى مەملەكەتتەردٸڭ ٷزدٸك مەكتەپتەرٸنٸڭ ٶكٸلدەرٸمەن قاتار بۇۇ مودەلٸنٸڭ ونداعان كوميتتەرٸندە تٷرلٸ جاھاندىق پروبلەمالاردى كٶتەرٸپ, قىزۋ ديسكۋسسييا ورناتتى.
ٷش كٷن قازاقستاندىقتارعا شەتەلدٸك قۇرداستارىمەن تابىستى ىنتىماقتاستىق پەن سىندارلى ديالوگتىڭ زور تەجٸريبەسٸن سىيلادى.
– ەر كوميتەتتە بٸز بۇۇ مودەلٸ بويىنشا جاستار قۇرعان MUN قوزعالىسىنىڭ دەلەگاتتارى رەتٸندە ەلەمدٸ تولعاندىراتىن ەڭ ٶزەكتٸ مەسەلەلەردٸ تالقىلادىق, بەرٸلگەن ەلدەردٸڭ ۇستانىمىن قورعادىق . قاتىسۋشىلاردىڭ كٶپشٸلٸگٸ-اعىلشىن تٸلدٸ, سوندىقتان بەدەلدٸ مٸنبەرگە كٶتەرٸلۋ جەنە بۇۇ – نىڭ نەگٸزگٸ رەسمي تٸلٸندە سٶيلەۋ بٸز ٷشٸن ٷلكەن جاۋاپكەرشٸلٸك بولدى. بٸز ٶز مٸندەتٸمٸزدٸ لايىقتى ورىندادىق دەپ ويلايمىن, – دەپ بٶلٸستٸ 11-سىنىپ وقۋشىسى دٸنمۇحامەد كٶشەرباەۆ.
NIS دەلەگاتسيياسى زيياتكەرلٸك مەكتەپ ديرەكتورىنىڭ ورىنباسارى لاۋرا قىزداربەكوۆانىڭ جەتەكشٸلٸگٸمەن ەيگٸلٸ ماسساچۋسەتس تەحنولوگييالىق ينستيتۋتىنىڭ قابىرعاسىندا, MUN قوزعالىسى العاش پايدا بولعان ەلدە كونفەرەنتسيياعا قاتىسۋ باقىتىنا يە بولدى.
العاش رەت امەريكا قۇراما شتاتتارىندا كوللەدجدەر امەريكاندىق سەناتتىڭ جۇمىسىن مودەلدەي باستاعان بولاتىن. بٷگٸندە جىل سايىن بٷكٸل ەلەم بويىنشا مىڭداعان وقۋشىلار مەن ستۋدەنتتەر MUN باعدارلاماسىنا قاتىسادى. زاڭ, مەملەكەتتٸك باسقارۋ, بيزنەس جەنە ٶنەر سالاسىنداعى كٶپتەگەن كٶشباسشىلار وقۋ كەزٸندە "بۇۇ مودەلٸ" باعدارلاماسىنىڭ بەلسەندٸلەر قاتارىندا بولدى.
زيياتكەرلەر ٷشٸن امەريكاندىق ساپاردىڭ ەسەرلٸ وقيعاسىنىڭ بٸرٸ گارۆارد ۋنيۆەرسيتەتٸنە ۇيىمداستىرىلعان كامپۋس-تۋر, ەلەمدەگٸ ەڭ بەدەلدٸ ۋنيۆەرسيتەتتٸڭ ٶمٸرٸن ٶز كٶزدەرٸمەن تاماشالاۋ بولدى.
