قازاقستان جوعارى وقۋ ورىندارىنداعى ستۋدەنتتٸك جاتاقحانالاردا 2024–2025 وقۋ جىلىنا ارنالعان ورىن تاپشىلىعى 10 مىڭنان استى. بۇل تۋرالى جوعارى اۋديتورلىق پالاتا مٷشەسٸ تلەگەن كاسكين مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, كادر دايارلاۋ سالاسىنا جٷرگٸزٸلگەن اۋديت نەتيجەسٸندە ۋنيۆەرسيتەتتەردٸڭ ينفراقۇرىلىمى مەن ٸشكٸ باسقارۋ جٷيەسٸن جٷيەلٸ تٷردە كٷشەيتۋ قاجەت ەكەنٸ انىقتالعان.
"2024–2025 وقۋ جىلىنا ارنالعان جاتاقحانا ورىندارىنىڭ تاپشىلىعى 10 مىڭنان استام ورىن بولدى. ال مينيسترلٸك پەن وپەراتور ۇسىنعان دەرەكتەر اراسىنداعى ايىرماشىلىق 31 مىڭ ورىننان استى. تۇرعىن ٷيمەن قامتۋ دەڭگەيٸ بۇرىنعى 70 پايىزدىق مەجەدەن تٶمەن. مىسالى, ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸندە بۇل كٶرسەتكٸش 51,7 پايىز بولسا, ەل-فارابي اتىنداعى قازاق ۇلتتىق ۋنيۆەرسيتەتٸندە 56,7 پايىز", – دەدٸ تلەگەن كاسكين.
