Qazaqstan joǵary oqý oryndaryndaǵy stýdenttik jataqhanalarda 2024–2025 oqý jylyna arnalǵan oryn tapshylyǵy 10 myńnan asty. Bul týraly Joǵary aýditorlyq palata múshesi Tlegen Kaskin málimdedi, dep habarlaidy Dalanews.kz.
Onyń aitýynsha, kadr daiarlaý salasyna júrgizilgen aýdit nátijesinde ýniversitetterdiń infraqurylymy men ishki basqarý júiesin júieli túrde kúsheitý qajet ekeni anyqtalǵan.
"2024–2025 oqý jylyna arnalǵan jataqhana oryndarynyń tapshylyǵy 10 myńnan astam oryn boldy. Al ministrlik pen operator usynǵan derekter arasyndaǵy aiyrmashylyq 31 myń orynnan asty. Turǵyn úimen qamtý deńgeii burynǵy 70 paiyzdyq mejeden tómen. Mysaly, L.N. Gýmilev atyndaǵy Eýraziia ulttyq ýniversitetinde bul kórsetkish 51,7 paiyz bolsa, Ál-Farabi atyndaǵy Qazaq ulttyq ýniversitetinde 56,7 paiyz", – dedi Tlegen Kaskin.
