قازاقستاندىق جۋرناليست الەكساندرا الەحوۆاعا قاتىستى اپەللياتسييالىق سوت ٷكٸمدٸ جەڭٸلدەتتٸ. سوت ونىڭ باس بوستاندىعىنان ايىرۋ مەرزٸمٸن بٸر جىلعا قىسقارتىپ, جۋرناليستٸك قىزمەتپەن اينالىسۋعا سالىنعان تىيىمدى الىپ تاستادى, دەپ حابارلايدى dalanews.kz.
بۇعان دەيٸن بٸرٸنشٸ ساتىداعى سوت جۋرناليستٸ ٷش جىلعا باس بوستاندىعىنان ايىرىپ, جازانى بەس جىلعا كەيٸنگە قالدىرعان. سونىمەن قاتار وعان ٷش جىل بويى جۋرناليستيكامەن اينالىسۋعا تىيىم سالعان ەدٸ.
جۋرناليستٸڭ جازا مەرزٸمٸ قىسقارتىلدى
اپەللياتسييالىق القا راقىمشىلىق جاساۋ تۋرالى زاڭدى ەسكەرٸپ, باس بوستاندىعىنان ايىرۋ مەرزٸمٸن ٷش جىلدان ەكٸ جىلعا دەيٸن قىسقارتقان. سونداي-اق جازانى ورىنداۋدى كەيٸنگە قالدىرۋ مەرزٸمٸ قايتا قارالدى. ەندٸ ول تٶرت جىل, 10 اي جەنە 20 كٷنگە بەلگٸلەندٸ. ياعني جازا 2031 جىلعى 2 قازانعا دەيٸن كەيٸنگە شەگەرٸلدٸ. بۇل ۋاقىتتا جۋرناليستٸڭ ۇلى 14 جاسقا تولادى.
بٸرٸنشٸ ساتىداعى سوت جازانى بەس جىلعا كەيٸنگە قالدىرعان بولاتىن. اپەللياتسييالىق سوت بۇل مەرزٸمدٸ بالانىڭ جاسىنا قاتىستى زاڭ تالاپتارىنا سەيكەستەندٸردٸ.
الەحوۆا جۋرناليستيكامەن اينالىسا الادى
اپەللياتسييالىق سوت جۋرناليستٸڭ ٷش جىل بويى كەسٸبي قىزمەتپەن اينالىسۋىنا سالىنعان تىيىمدى الىپ تاستادى. سوت مۇنداي شەشٸمدٸ جۋرناليستيكا الەحوۆانىڭ نەگٸزگٸ تابىس كٶزٸ ەكەنٸمەن تٷسٸندٸرگەن. سوندىقتان ونى كەسٸبٸنەن ايىرۋ جەنە بالاسىن اسىراۋ مٷمكٸندٸگٸن شەكتەۋ ورىنسىز دەپ تانىلعان.
سونىمەن قاتار زارداپ شەككەندەرگە ٶتەماقى تٶلەۋ قورىنا اۋدارىلاتىن قاراجات مٶلشەرٸ دە ٶزگەرتٸلدٸ. سوما قىلمىس جاسالعان كەزدەگٸ ايلىق ەسەپتٸك كٶرسەتكٸشكە سەيكەس ەسەپتەلٸپ, 20 اەك نەمەسە 68 261 تەڭگە بولىپ بەلگٸلەندٸ.
ايىپتاۋ ٷكٸمٸ كٷشٸندە قالدى
اپەللياتسييالىق القا جۋرناليستٸ اقتاۋعا نەگٸز تاپپاعان. سوندىقتان وعان قازاقستان قىلمىستىق كودەكسٸنٸڭ 147-بابى 5-بٶلٸگٸ, ياعني جەكە ٶمٸرگە قول سۇعىلماۋشىلىقتى بۇزۋ بويىنشا شىعارىلعان ايىپتاۋ ٷكٸمٸ ٶزگەرٸسسٸز قالدى. ايتا كەتەيٸك, ەلەنا سادۆاكاسوۆانىڭ ارىزى بويىنشا قوزعالعان قىلمىستىق ٸس 2022 جىلدان بەرٸ جالعاسىپ كەلەدٸ. ول كەزدە ٸس توقتاتىلعانىمەن, كەيٸن قايتا جاندانعان. وسى ارىز نەگٸزٸندە بۇعان دەيٸن تاعى بٸر جۋرناليست ولەگ گۋسەۆ تە ٷش جىلعا شارتتى تٷردە سوتتالعان.
اپەللياتسييالىق سوتتىڭ قاۋلىسى زاڭدى كٷشٸنە ەندٸ.
الايدا جۋرناليست جازانى كەيٸنگە قالدىرۋ كەزەڭٸندە قوعامدىق تەرتٸپتٸ بۇزسا نەمەسە بالاسىن تەربيەلەۋ مٸندەتتەرٸنەن جالتارسا, شارتتى جازا ناقتى باس بوستاندىعىنان ايىرۋ جازاسىنا اۋىستىرىلۋى مٷمكٸن. مۇنداي جاعدايدا ول ورتاشا قاۋٸپسٸزدٸك مەكەمەسٸنە جٸبەرٸلۋٸ ىقتيمال.
سوت ٷكٸمٸنٸڭ جەڭٸلدەتٸلۋٸ ٸستٸڭ زاڭدىلىعى تۋرالى سۇراقتاردى تولىق شەشپەيدٸ. بۇل مەسەلەگە قاتىستى ادۆوكات گٷلنار سٷلەيمەنوۆامەن سۇحباتتا دا پٸكٸر ايتىلعان.
