جول-كٶلٸك وقيعاسىنا ۇشىراعان بۇرىنعى مەجٸلٸس دەپۋتاتى باقىتجان بازاربەك ەلەۋمەتتٸك جەلٸدەگٸ پاراقشاسىندا مەلٸمدەمە جاساپ, وقيعاعا قاتىستى تٷرلٸ بولجامدار مەن الىپقاشپا ەڭگٸمەلەرگە جاۋاپ بەردٸ, دەپ حابارلايدى dalanews.kz.
ونىڭ ايتۋىنشا, قازٸر وقيعا بويىنشا سوتقا دەيٸنگٸ تەرگەپ-تەكسەرۋ جٷرٸپ جاتىر. سول سەبەپتٸ ٶزٸ مەن جۇبايى تەرگەۋ مەلٸمەتتەرٸن جارييا ەتپەۋ تۋرالى مٸندەتتەمە العاندىقتان, بولعان جاعدايدىڭ ەگجەي-تەگجەيٸن ايتا المايدى.
باقىتجان بازاربەك تەرگەۋ ەلٸ جالعاسىپ جاتقانىن, الداعى ۋاقىتتا قاجەتتٸ ساراپتامالار جٷرگٸزٸلەتٸنٸن مەلٸمدەدٸ.
«قۇقىق قورعاۋ ورگاندارى بولعان جاعدايدىڭ بارلىق مەن-جايىن جان-جاقتى زەرتتەپ, زاڭ اياسىندا ەدٸل شەشٸم شىعارادى دەپ سەنەمٸن», – دەدٸ ول.
ەكس-دەپۋتات قازٸرگٸ ۋاقىتتا زارداپ شەككەن ازاماتتىڭ وتباسى جانىندا بولىپ, قولدان كەلگەن كٶمەگٸن كٶرسەتٸپ جاتقانىن ايتتى.
«سوڭعى بٸرنەشە كٷن بٸز ٷشٸن ٶتە اۋىر ٶتتٸ. جاقىندارىمىزبەن بٸرگە زارداپ شەككەن ازاماتتىڭ امان-ەسەن ساۋىعىپ كەتۋٸن تٸلەپ جٷرمٸز. قازٸر ەڭ باستىسى – ونىڭ دەنساۋلىعى», – دەپ جازدى بازاربەك.
سونداي-اق ول العاشقى مەديتسينالىق كٶمەك كٶرسەتكەن اۋداندىق اۋرۋحانا دەرٸگەرلەرٸنە, دەنساۋلىق ساقتاۋ مينيسترلٸگٸنە جەنە ٶڭٸرلٸك دەنساۋلىق ساقتاۋ سالاسىنىڭ ماماندارىنا ريزاشىلىعىن بٸلدٸردٸ.
باقىتجان بازاربەك ەلەۋمەتتٸك جەلٸلەردە وقيعاعا قاتىستى تٷرلٸ پٸكٸرلەر مەن بولجامداردىڭ كٶبەيگەنٸنە نازار اۋدارىپ, جۇرتشىلىقتى تەرگەۋ اياقتالماي تۇرىپ قورىتىندى جاساۋعا اسىقپاۋعا شاقىردى.
«رەسمي اقپاراتقا عانا سٷيەنٸپ, تەرگەۋ نەتيجەسٸن كٷتكەن جٶن», – دەدٸ ول.
سٶز سوڭىندا بۇرىنعى دەپۋتات قيىن سەتتە قولداۋ بٸلدٸرٸپ جاتقان ازاماتتارعا العىس ايتىپ, بۇل جاعدايدىڭ ٶزٸ مەن وتباسى ٷشٸن وڭاي سوقپاعانىن جەتكٸزدٸ.
ەسكە سالايىق, كٷنٸ كەشە جامبىل وبلىسىندا ەكس-دەپۋتات باقىتجان بازاربەك جول اپاتىنا تٷسٸپ, سالدارىنان بٸر ادام زارداپ شەككەنٸ تۋرالى اقپارات تاراعان بولاتىن. وقيعا تۇرار رىسقۇلوۆ اۋدانى اۋماعىندا, لۋگوۆوە اۋىلىنىڭ ماڭىندا بولعان.
الدىن الا مەلٸمەت بويىنشا, جولدىڭ وسى بٶلٸگٸندە بۇعان دەيٸن ٶزگە ماشينا مالدى قاعىپ كەتكەن. جولدا جانۋاردىڭ ٶلەكسەسٸ قالعان. ونى الىپ تاستاۋ ٷشٸن ەر ادام كٶلٸك جولىنا شىققان سەتتە Toyota كٶلٸگٸ قاعىپ كەتكەن. جەلٸدەگٸ اقپارات بويىنشا, كٶلٸك تٸزگٸنٸندە باقىتجان بازاربەك بولعان.
