Qazaq Expert Club ساراپشىلارى "ەدٸلەت" پارتيياسىنىڭ "ەدٸلەتتٸ بولاشاق ٷشٸن" اتتى سايلاۋالدى باعدارلاماسىنا باعا بەردٸ. ولاردىڭ پٸكٸرٸنشە, قۇجاتتا ەلدٸڭ ستراتەگييالىق دامۋ باعىتتارى مەن قازاقستاندىقتاردىڭ كٷندەلٸكتٸ تۇرمىسىنا تٸكەلەي ەسەر ەتەتٸن ناقتى باستامالار ٷيلەسٸم تاپقان, دەپ حابارلايدى dalanews.kz.
ساياساتتانۋشى, پروفەسسور گٷلميرا سۇلتانباەۆا بۇل باعدارلامانى جاي عانا سايلاۋالدى ۋەدەلەر جيىنتىعى ەمەس, ناقتى ماقساتتارى مەن ٶلشەنەتٸن كٶرسەتكٸشتەرٸ ايقىندالعان قۇجات دەپ باعالادى.
"باعدارلامادا ادامي كاپيتالدى دامىتۋ مەن ەلەۋمەتتٸك ستاندارتتاردى ارتتىرۋعا ەرەكشە مەن بەرٸلگەن. بۇل ونىڭ باستى باسىمدىعى – ادام ەكەنٸن كٶرسەتەدٸ", – دەدٸ ساراپشى.
ونىڭ ايتۋىنشا, باعدارلامانىڭ ماڭىزدى باعىتتارىنىڭ بٸرٸ – مەملەكەتتٸك باسقارۋدى تسيفرلىق ترانسفورماتسييالاۋ. بۇل تەك مەملەكەتتٸك قىزمەتتەردٸ ەلەكتروندى فورماتقا كٶشٸرۋمەن شەكتەلمەيدٸ. باعدارلامادا شەشٸم قابىلداۋ پروتسەسٸنە جاساندى ينتەللەكت پەن تسيفرلىق تەحنولوگييالاردى كەڭٸنەن ەنگٸزۋ ۇسىنىلعان. بۇل بيۋروكراتييالىق رەسٸمدەردٸ قىسقارتىپ, ادامي فاكتوردىڭ ىقپالىن ازايتۋعا ەرٸ مەملەكەتتٸك ورگاندار جۇمىسىنىڭ اشىقتىعىن ارتتىرۋعا مٷمكٸندٸك بەرەدٸ.
ساراپشى باعدارلامانىڭ نەگٸزگٸ باستامالارىنىڭ قاتارىندا بەس ميلليون قازاقستاندىقتى جاساندى ينتەللەكتٸمەن جۇمىس ٸستەۋگە وقىتۋ, AI Hub قۇرۋ جەنە دەرەكتەردٸ قورعاۋدىڭ تسيفرلىق قۇرالدارىن دامىتۋ جوسپارلارىن اتادى. سونداي-اق ول باعدارلامانىڭ ورىندالۋىن ناقتى ۋاقىت رەجيمٸندە باقىلاۋعا مٷمكٸندٸك بەرەتٸن تسيفرلىق مونيتورينگ جٷيەسٸن ەنگٸزۋ باستاماسىنا ەرەكشە توقتالدى. بۇل قابىلدانعان مٸندەتتەردٸڭ ورىندالۋى مەن قول جەتكٸزٸلگەن نەتيجەلەردٸ تۇراقتى قاداعالاۋعا جول اشادى.
باعدارلامادا ەلەۋمەتتٸك-ەكونوميكالىق دامۋ بويىنشا بٸرقاتار ناقتى ماقساتتار دا بەلگٸلەنگەن. اتاپ ايتقاندا, حالىقتىڭ ورتاشا ٶمٸر سٷرۋ ۇزاقتىعىن 77 جاسقا دەيٸن جەتكٸزۋ, ەر ادامعا شاققاندا 30 شارشى مەتر تۇرعىن ٷيمەن قامتاماسىز ەتۋ, بٸر ميلليون ساپالى جۇمىس ورنىن اشۋ جەنە ەكونوميكاداعى ورتا بيزنەستٸڭ ٷلەسٸن 20 پايىزعا دەيٸن ارتتىرۋ كٶزدەلگەن.
Qazaq Expert Club-تىڭ تاعى بٸر ساراپشىسى, سۋ ساياساتى سالاسىنىڭ مامانى قۋانىش ٶزبەكوۆ باعدارلامانىڭ سۋ ينفراقۇرىلىمىن دامىتۋعا ارنالعان بٶلٸمٸنە نازار اۋداردى.
ونىڭ پٸكٸرٸنشە, باعدارلامانىڭ باستى ارتىقشىلىقتارىنىڭ بٸرٸ – نەتيجەنٸ باعالاۋعا مٷمكٸندٸك بەرەتٸن ناقتى كٶرسەتكٸشتەردٸڭ بولۋى. اتاپ ايتقاندا, 2030 جىلعا قاراي سۋارمالى جەر كٶلەمٸن 2,5 ميلليون گەكتارعا دەيٸن ۇلعايتۋ, شامامەن 1,4 ميلليون گەكتار القاپتا سۋ ٷنەمدەۋ تەحنولوگييالارىن ەنگٸزۋ, 42 جاڭا سۋ قويماسىن سالۋ, تاعى 37 سۋ قويماسىن رەكونسترۋكتسييالاۋ جەنە 14,5 مىڭ شاقىرىم سۋارۋ كانالىن تسيفرلىق ەسەپكە الۋ مەن اۆتوماتتاندىرىلعان باسقارۋ جٷيەلەرٸن ەنگٸزە وتىرىپ جاڭعىرتۋ جوسپارلانعان.
ساراپشىنىڭ ايتۋىنشا, بٷگٸندە سۋارمالى ينفراقۇرىلىمنىڭ توزۋىنا بايلانىستى سۋ رەسۋرستارىنىڭ ەدەۋٸر بٶلٸگٸ ىسىراپ بولىپ جاتىر. سوندىقتان زاماناۋي ەسەپكە الۋ جەنە باسقارۋ جٷيەلەرٸ سۋدى تيٸمدٸ پايدالانۋعا ەرٸ شىعىندى ازايتۋعا مٷمكٸندٸك بەرەدٸ.
ول سونداي-اق يرريگاتسييا جەنە درەناج مەسەلەلەرٸنە ارنالعان جەكە زاڭ قابىلداۋ باستاماسىن دا وڭ باعالادى.
"سۋ قاۋٸپسٸزدٸگٸ مەسەلەلەرٸ كەشەندٸ كٶزقاراس پەن ۇزاق مەرزٸمدٸ قۇقىقتىق رەتتەۋدٸ تالاپ ەتەدٸ", – دەدٸ قۋانىش ٶزبەكوۆ.
جالپى, ساراپشىلاردىڭ پٸكٸرٸنشە, "ەدٸلەتتٸ بولاشاق ٷشٸن" سايلاۋالدى باعدارلاماسى تسيفرلاندىرۋ, ەكونوميكا, ەلەۋمەتتٸك ساياسات جەنە سۋ ينفراقۇرىلىمىن دامىتۋ باعىتتارىن بٸر ارناعا توعىستىرىپ, ولاردى ٸسكە اسىرۋدىڭ ناقتى تەتٸكتەرٸن ۇسىنادى.
