اقش پرەزيدەنتٸ دونالد ترامپ پەن ۋكراينا پرەزيدەنتٸ ۆلاديمير زەلەنسكيي اق ٷيدە جابىق كەزدەسۋ ٶتكٸزدٸ. ەكٸ ەل باسشىسى ۋكرايناداعى سوعىستى توقتاتۋعا باعىتتالعان ديپلوماتييالىق كەلٸسسٶزدەردٸ قايتا جانداندىرۋ جەنە كيەۆتٸڭ ەۋە قورعانىسىن كٷشەيتۋ مەسەلەلەرٸن تالقىلادى, دەپ حابارلايدى dalanews.kz.
كەزدەسۋدەن كەيٸن زەلەنسكيي كەلٸسسٶزدٸڭ جاقسى ٶتكەنٸن مەلٸمدەدٸ. ونىڭ سٶزٸنشە, تاراپتار ۋكراينادا Patriot ەۋە قورعانىس جٷيەسٸنە ارنالعان زىمىرانداردى ليتسەنزييا بويىنشا ٶندٸرۋ جەنە قورعانىس سالاسىنداعى ٶزگە دە بٸرلەسكەن جوبالاردى جٷزەگە اسىرۋ مٷمكٸندٸگٸن قاراستىرعان.
«پرەزيدەنت ەكەۋمٸز Patriot زىمىراندارىن ٶندٸرۋگە ارنالعان ليتسەنزييالاردى جەنە كٶمەكتەسۋٸ مٷمكٸن بٸرنەشە باسقا ۇسىنىستى تالقىلادىق. سونىمەن قاتار ديپلوماتييا تۋرالى سٶيلەستٸك. ديپلوماتييالىق پروتسەستٸ جانداندىرۋ ماڭىزدى», – دەدٸ زەلەنسكيي.
ۋكراينا باسشىسى ەلگە بالليستيكالىق زىمىرانداردان قورعانۋعا مٷمكٸندٸك بەرەتٸن جٷيەلەر مەن قوسىمشا زىمىرانداردىڭ قاجەت ەكەنٸن اتاپ ٶتتٸ. ونىڭ ايتۋىنشا, كيەۆتٸڭ قورعانىس سالاسىنداعى سەرٸكتەستٸكتٸ كەڭەيتۋ جٶنٸندەگٸ ۇسىنىستارىن اقش تاراپى قاراستىرىپ جاتىر.
زەلەنسكيي كەيٸنٸرەك دونالد ترامپتىڭ ۋكرايناعا Patriot زىمىراندارىن ٶندٸرۋگە قاجەتتٸ ليتسەنزييا بەرۋگە كەلٸسكەنٸن ايتتى. قازٸرگٸ ۋاقىتتا ەكٸ ەلدٸڭ ماماندارى بٸرلەسكەن ٶندٸرٸستٸ مٷمكٸندٸگٸنشە تەزٸرەك ٸسكە قوسۋ جولدارىن پىسىقتاپ جاتىر.
كەزدەسۋ تاراپتار اراسىنداعى قارىم-قاتىناس جاقسارىپ, ۆاشينگتون مەن كيەۆتٸڭ ەسكەري جەنە ديپلوماتييالىق باعىتتاعى ىنتىماقتاستىعى قايتا جاندانا باستاعان تۇستا ٶتتٸ.
