تانىمال زاڭگەر جانگەلدٸ سٷلەيمەنوۆ قازاقستاندا قابىلدانعان جاڭا سالىق كودەكسٸنٸڭ قولدانىلۋىن ۋاقىتشا توقتاتۋدى تالاپ ەتتٸ. ونىڭ ايتۋىنشا, سالىق رەفورماسى ٸس جٷزٸندە باستالماي جاتىپ-اق تىعىرىققا تٸرەلگەن, دەپ حابارلايدى Dalanews.kz.
زاڭگەر جەلتوقسان ايىندا قارجى مينيسترلٸگٸ «حالىق بۋحگالتەرٸ» اكتسيياسىن جارييالاعانىن ەسكە سالدى. بۇل باستاما جەكە كەسٸپكەرلەر مەن شاعىن بيزنەسكە سالىق ەسەپتٸلٸگٸن تاپسىرۋ كەزٸندە كٶمەك كٶرسەتۋ ماقساتىندا ۇسىنىلعان. الايدا, سٷلەيمەنوۆتٸڭ ايتۋىنشا, شىن مەنٸندە سالىق ورگاندارى بۋحگالتەرلٸك فيرمالاردان سالىق تٶلەۋشٸلەرگە كەڭەس بەرۋ ٷشٸن قىزمەتكەرلەرٸن تەگٸن بٶلۋٸن سۇراپ وتىر.
ونىڭ سٶزٸنشە, بۇل جەردە كەمٸندە ٷش تٷبەگەيلٸ مەسەلە بار.
بٸرٸنشٸدەن, جاڭا سالىق كودەكسٸندە سالىق تٶلەۋشٸلەرگە كەڭەس بەرۋ مٸندەتٸ تٸكەلەي سالىق ورگاندارىنىڭ ٶزٸنە جٷكتەلگەن. ال جەكە بيزنەسكە مۇنداي مٸندەت ارتىلماعان. مەملەكەت بۋحگالتەرلەردٸ كٶمەككە شاقىرۋعا مەجبٷر بولسا, بۇل سالىق ورگاندارىنىڭ بٸلٸم, رەسۋرس جەنە ۋاقىت جاعىنان دايىن ەمەستٸگٸن كٶرسەتەدٸ.
ەكٸنشٸدەن, زاڭگەر جەكە بۋحگالتەرلٸك كومپانييالار نەگە مەملەكەتتٸڭ جۇمىسىن تەگٸن اتقارۋى تيٸس دەگەن سۇراق قويادى. ونىڭ ايتۋىنشا, كەڭەس بەرۋ – سالىق ورگانىنىڭ تٸكەلەي مٸندەتٸ, ال بيزنەس ٷشٸن بۇل قايىرىمدىلىق ەمەس.
ٷشٸنشٸدەن, مۇنداي كەڭەستەردٸڭ ٶزٸ سالىق تٶلەۋشٸلەر ٷشٸن قاۋٸپتٸ بولۋى مٷمكٸن. سەبەبٸ بۋحگالتەر قاتەلٸك جٸبەرسە, جاۋاپكەرشٸلٸكتٸ بەرٸبٸر سالىق تٶلەۋشٸنٸڭ ٶزٸ كٶتەرەدٸ. سٷلەيمەنوۆ بۋحگالتەرلەر دەكلاراتسييا تولتىرۋدى جاقسى بٸلەتٸنٸن, الايدا سالىق كودەكسٸنٸڭ جالپى, قۇقىقتىق بٶلٸگٸن ەدەتتە تەك سالىق داۋلارىنا ماماندانعان زاڭگەرلەر مەڭگەرەتٸنٸن اتاپ ٶتتٸ.
سونىمەن قاتار ول سالىق رەفورماسى اياسىندا اقپاراتتىق جٷيەلەردٸڭ دە دۇرىس جۇمىس ٸستەمەي جاتقانىن ايتتى. ەسەپتٸلٸكتٸڭ قابىلدانباۋى, دەرەكتەردٸڭ «تارالماي قالۋى» سيياقتى مەسەلەلەر بٸرنەشە كٷننٸڭ ٸشٸندە-اق رەفورمانىڭ توقىراي باستاعانىن كٶرسەتكەن.
«نە بولاتىنى قازٸردٸڭ ٶزٸندە تٷسٸنٸكتٸ. سوندىقتان مەن جاڭا سالىق كودەكسٸنٸڭ قولدانىسىن توقتاتۋدى تالاپ ەتەمٸن. بۇل رەفورماعا ني سالىق ورگاندارى, ني سالىق تٶلەۋشٸلەر دايىن ەمەس», – دەدٸ زاڭگەر.
