ۇلتتىق بانك ەكونوميكاعا بەرٸلگەن بانك سەكتورىنىڭ نەسيەلەرٸ بويىنشا كەزەكتٸ ەسەپتٸ جارييالادى. وندا بٸردەن كٶزگە تٷسكەنٸ – سىياقى مٶلشەرلەمەلەرٸ. ياعني, اقپان ايىندا جەكە تۇلعالارعا نەسيە بويىنشا دا, دەپوزيت بويىنشا دا بەلگٸلەنگەن سىياقى مٶلشەرلەمەلەرٸ تٶمەندەگەن. ال, زاڭدى تۇلعالارعا بەرٸلەتٸن نەسيە, كەرٸسٸنشە قىمباتتاعان, دەپ حابارلايدى Dalanews.kz.
اقپان ايىنىڭ قورىتىندىسى بويىنشا جەكە تۇلعالارعا بەرٸلگەن نەسيە سىياقى مٶلشەرلەمەسٸ 21,8%-دان (قاڭتاردا وسىلاي بولعان) 20,5%-عا دەيٸن تٶمەندەدٸ. ال, كەرٸسٸنشە, زاڭدى تۇلعالارعا بەرٸلگەن نەسيەنٸڭ جىلدىق مٶلشەرلەمەسٸ 17,9%-دان 18,3%-عا ارتقان.
اقپان ايىنىڭ قورىتىندىسى بويىنشا تەڭگەلەي سالىنعان دەپوزيتتەر بويىنشا ورتاشا مٶلشەرلەمە جەكە تۇلعالار ٷشٸن 13,5%-دان 13,3%-عا دەيٸن تٶمەندەدٸ, بٸراق زاڭدى تۇلعالارعا, كەرٸسٸنشە, ازداپ ٷستەمەلەنگەن: 14,1%-دان 14,2% عا دەيٸن. جەكە تۇلعالار ٷشٸن ەڭ تيٸمدٸ دەپوزيت 1 ايدان 3 ايعا دەيٸنگٸ مەرزٸمدەگٸلەرٸ قامتيدى: ولار بويىنشا ورتاشا سىياقى مٶلشەرلەمەسٸ 15,3% قۇرايدى.
جەكە تۇلعالارعا بەرٸلگەن نەسيەنٸڭ جالپى سوماسى قاڭتارعا قاراعاندا 1,7%-عا ٶسٸپ, 1,3 ترلن تەڭگەنٸ قۇرادى. ونىڭ تەڭ جارتىسىن كەپٸلسٸز تۇتىنۋشىلىق نەسيە قۇرايدى. ال ودان كەيٸن يپوتەكالىق نەسيە مەن اۆتونەسيەنٸڭ كەزەگٸ كەلەدٸ.
الدىڭعى ايمەن سالىستىرعاندا اۆتونەسيە 36,1% قوسىپ, 165 ملرد تەڭگەگە جەتتٸ. الدىڭعى ايداعى كٷرت قۇلدىراۋدان كەيٸن بۇل باعىت قايتا قالپىنا كەلٸپ جاتقان سيياقتى. بٸر جىل ٸشٸندەگٸ ٶسٸم 28,8%-دى قۇرايدى.
يپوتەكالىق نەسيە كٶلەمٸ ەكٸنشٸ اي قاتارىنان تٶمەندەۋدە. ەكٸ اي اراسىنداعى قۇلدىراۋ ايتارلىقتاي ەمەس, ەرينە. بٸر ايدا كٶرسەتكٸش 0,2% جوعالتىپ, 152,8 ملرد تەڭگەگە دەيٸن تٶمەندەدٸ. يپوتەكالىق زايم بويىنشا قارىز كٶلەمٸ 6,7 ترلن تەڭگەنٸ قۇرايدى. ايتقانداي, اقپان ايىندا سوڭعى 11 ايدا العاش رەت بەرٸلگەن اۆتونەسيەلەر كٶلەمٸ بەرٸلگەن يپوتەكالىق زايمدار كٶلەمٸن وراپ ٶتتٸ.
ٶتكەن ايدا كەپٸلسٸز تۇتىنۋشىلىق نەسيەلەر كٶلەمٸندە دە قىسقارۋ بولدى: - 4,1%, 838,5 ملرد تەڭگەگە دەيٸن. ياعني, قاڭتار ايىمەن سالىستىرعاندا اقپاندا بۇل نەسيە تٷرٸن تٸركەتۋشٸ ادامدار سانى 14,6%-عا قىسقاردى. كرەديت سانى دا 21,2%-عا تٶمەندەگەن.
ايتا كەتسەك, ۇلتتىق بانك ناۋرىزدا بازالىق مٶلشەرلەمەنٸ 15,25%-دان 16,5%-عا كٶتەرگەن بولاتىن. بۇعان دەيٸن سايتىمىزدا اتالعان تاقىرىپتا "قارجىگەر-مامان الداعى ەكٸ جىل حالىق پەن بيزنەسكە قيىن تيەتٸنٸن بولجادى" دەگەن ماقالا جارييالانعان بولاتىن.
