مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت جانە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. تولىقتىرۋلار باسشىلاردىڭ جاۋاپكەرشىلىگىن بەلگىلەۋ تۋرالى نورمانى قامتيدى.
ەلوردا اكىمى التاي كولگىنوۆ ءوز سوزىندە زاڭنامانى مۇلتىكسىز ساقتاۋ جانە كەز كەلگەن سىبايلاس جەمقورلىق كورىنىستەرىن بولدىرماۋ قاجەتتىگىن اتاپ ءوتتى.
قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ نۇر-سۇلتان قالاسى بويىنشا دەپارتامەنتى باسشىسىنىڭ ورىنباسارى ەرلان تولەبايەۆ سىبايلاس جەمقورلىققا قارسى قىزمەتتىڭ نەگىزگى جۇمىسى سىبايلاس جەمقورلىق كورىنىستەرىنىڭ الدىن الۋعا باعىتتالعانىن اتاپ ءوتتى.
بۇل باعىتتا اگەنتتىك پەن ەلوردا اكىمدىگىنىڭ «استانا – ادالدىق الاڭى» بىرلەسكەن جوباسى فلاگمان بولىپ تابىلادى. دەپارتامەنتتىڭ ارنايى مونيتورينگ توبىنىڭ مۇشەسى مارات ساتارقۇلوۆ قاتىسۋشىلارعا «اشىق بيۋدجەتتەردىڭ ينتەراكتيۆتى كارتاسى» اياسىندا قوعامدىق مونيتورينگتى جۇزەگە اسىرۋ قورىتىندىلارى تۋرالى ايتىپ بەردى.
