Memleket basshysy «Qazaqstan Respýblikasynyń keibir zańnamalyq aktilerine memlekettik qyzmet jáne sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy. Tolyqtyrýlar basshylardyń jaýapkershiligin belgileý týraly normany qamtidy.
Elorda ákimi Altai Kólginov óz sózinde zańnamany múltiksiz saqtaý jáne kez kelgen sybailas jemqorlyq kórinisterin boldyrmaý qajettigin atap ótti.
Qazaqstan Respýblikasynyń sybailas jemqorlyqqa qarsy is-qimyl agenttiginiń Nur-Sultan qalasy boiynsha departamenti basshysynyń orynbasary Erlan Tólebaev Sybailas jemqorlyqqa qarsy qyzmettiń negizgi jumysy sybailas jemqorlyq kórinisteriniń aldyn alýǵa baǵyttalǵanyn atap ótti.
Bul baǵytta Agenttik pen elorda ákimdiginiń «Astana – adaldyq alańy» birlesken jobasy flagman bolyp tabylady. Departamenttiń arnaiy monitoring tobynyń múshesi Marat Satarqulov qatysýshylarǵa «Ashyq biýdjetterdiń interaktivti kartasy» aiasynda qoǵamdyq monitoringti júzege asyrý qorytyndylary týraly aityp berdi.
