جيىنعا تۇركىستان وبلىسىنىڭ اكىمى ج.تۇيمەبايەۆ، اۋىل شارۋاشىلىعى مينيسترلىگىنىڭ وكىلدەرى، اۋدان، قالا اكىمدەرى، اۋىل اكىمدەرى جانە ءىرى تاۋار وندىرۋشىلەر مەن كووپەراتيۆ ءتوراعالارى قاتىستى.
ماجىلىستە ۆەدومستۆا باسشىسى سالانى دامىتۋدىڭ پەرسپەكتيۆالىق باعىتتارىن ايتىپ، وتاندىق تاۋار وندىرۋشىلەرگە كورسەتىلەتىن مەملەكەتتىك قولداۋ ساياساتى جايىنا دا توقتالدى.
اگروونەركاسىپتىك كەشەنىن دامىتۋ باعدارلاماسىنىڭ ورىندالۋى تىكەلەي اۋدان جانە اۋىل اكىمدەرىنىڭ مىندەتى ەكەنىن ايتقان ءو.شوكەيەۆ ءاربىر اۋدانداعى قولدانىلماي جاتقان ەگىستىك جەرلەردى قولدانىسقا ەنگىزىپ، سۋارمالى جەرلەردىڭ كولەمىن ارتتىرۋ، قارقىندى باۋ شارۋاشىلىعىن دامىتۋ جانە اۋىل شارۋاشىلىق سالاسىنا ينۆەستيسيا تارتۋدى باستى نازارعا الۋدى ايتتى.
اۋىل شارۋاشىلىعى سالاسىنا مەملەكەت تاراپىنان اۋقىمدى قولداۋلار كورسەتىلىپ، اگروونەركاسىپ كەشەندە جاقسى ناتيجەلەرگە قول جەتكىزىلگەنىن ايتقان وبلىس اكىمى الداعى ۋاقىتتا وسى باعىتتاعى جۇمىستار ءتيىستى دەڭگەيدە ورىندالاتىنىن جەتكىزدى. سونىمەن قاتار ايماق باسشىسى اۋىل شارۋاشىلىق سالاسىندا شەشىلمەي جاتقان ماسەلەلەردى قارايتىن ورتاق بىرىككەن جۇمىسشى ورگانىن قۇرۋدى ۇسىندى.
جالپى اوك-نى دامىتۋدىڭ مەملەكەتتىك باعدارلاماسى مەملەكەت باسشىسىنىڭ جىل سايىنعى جولداۋلارىندا جۇكتەلگەن ستراتەگيالىق مىندەتتەردى، ءبىرىنشى كەزەكتە اوك-دەگى ەڭبەك ونىمدىلىگىن جانە وڭدەلگەن اۋىل شارۋاشىلىعى ونىمدەرىنىڭ ەكسپورتىن كەم دەگەندە 2،5 ەسەگە ۇلعايتۋ مىندەتىن ىسكە اسىرۋعا باعىتتالعان.
اتالعان باعدارلامانى جۇزەگە اسىرۋ ماقساتىندا اۋىل شارۋاشىلىعىن دامىتۋ ءۇشىن 4 باعىت ايقىندالىپ، 2018-2025 جىلدارعا ارنالعان ارنايى كونسەپسيا ازىرلەندى. اتاپ ايتقاندا، اۋدان، قالالاردىڭ كليماتتىق ەرەكشەلىكتەرىنە بايلانىستى مامانداندىرۋ، اۋىل شارۋاشىلىعى تاۋار وندىرۋشىلەرىن قول جەتىمدى نەسيە قارجىلارمەن قامتامامسىز ەتۋ، اۋىل شارۋاشىلىعى كووپەراتيۆتەرى جۇيەسى مەن ماشينا-تراكتورلىق ستانسيالار جۇيەسىن جەتىلدىرۋ جانە سۋارمالى جەرلەردىڭ كولەمىن ۇلعايتۋ، سۋ وتكىزگىشتىك قابىلەتىن جاقسارتۋ ءىس-شارالارىن اتقارۋ.
ايقىندالعان ءتورت باعىتتاعى جۇمىستاردى جۇيەلى تۇردە جۇزەگە اسىرعاندا 5 جىل ىشىندە اگروونەركاسىپ كەشەنىندەگى ەڭبەك ونىمدىلىگى كەم دەگەندە 2،5 ەسەگە ارتىپ، 2025 جىلدارى وبلىستاعى بارلىق سۋارمالى جەردىڭ كولەمى 636،24 مىڭ گا قۇرايتىن بولادى.
بۇدان بولەك، ەگىن شارۋاشىلىعىندا جاڭادان 1570 گەكتارعا قارقىندى باۋ، 1000 گەكتارعا جاڭعاق ەگىلىپ، قۋاتتىلىعى ساعاتىنا 1 توننا سوك شىعاراتىن زاۋىت سالىنادى. جالپى سوماسى 5،02 ملرد تەڭگەگە ءتۇرلى اۋىل شارۋاشىلىق تەحنيكالارى الىنسا، جاڭا تۇقىم وڭدەيتىن سەح ورناتىلادى دەپ جوسپارلانۋدا. ال مال شارۋاشىلىعى سالاسىندا قوسىمشا 43،5 مىڭ توننا ءسۇت، 65،8 مىڭ توننا (ءتىرى سالماقتا) ەت، 67 ملن دانا تاعامدىق جۇمىرتقا ءوندىرىلۋ كوزدەلسە، ەكسپورتقا 3 جىلدا 5،5 مىڭ توننا ەت شىعارىلاتىن بولادى.
سەمينار-كەڭەستە سونداي-اق، زاكىرلىك كووپەراسيا نەگىزىندە ەتتى جانە ءسۇتتى مال شارۋاشىلىعىن دامىتۋدىڭ ماڭىزدىلىعى اتاپ ءوتىلدى. وڭىرلىك سالالىق باعدارلامالار شەڭبەرىندە وڭىردە 10 جىلدا بورداقىلاۋ الاڭدارىنىڭ اينالاسىندا جالپى ءسۇتتى ءىرى قارا مال باسى 150 مىڭنان اساتىن 3000 وتباسىلىق فەرما قۇرىلاتىن بولادى. قوي باسى 300 مىڭ باسقا دەيىن ۇلعايماق.
كەڭەس پىكىر الماسۋ جانە ءوڭىردىڭ تاۋار وندىرۋشىلەرىنىڭ ماڭىزدى ماسەلەلەرىن تالقىلاۋ فورماتىندا جالعاسىن تاپتى.
جيىندى قورىتىندىلاعان ءومىرزاق شوكەيەۆ شاۋرالارعا «جۇمىس ىستەيمىن دەگەن ازاماتتارعا مەملەكەت تاراپىنان قولداۋ كورسەتىلەدى. مينيسترلىك تاراپىنان دا ءتۇرلى جوبالاردى قارجىلاندىرۋعا دايىنبىز» دەي كەلە اۋىل شارۋاشىلىق ونىمدەرىن شەتەلگە ەكسپورتتاۋ كورسەتكىشىن جوعارىلاتۋ كەرەكتىگىن ايتتى.
تۇركىستان وبلىسى اكىمىنىڭ باسپا ءسوز قىزمەتى
