Jiynǵa Túrkistan oblysynyń ákimi J.Túimebaev, Aýyl sharýashylyǵy ministrliginiń ókilderi, aýdan, qala ákimderi, aýyl ákimderi jáne iri taýar óndirýshiler men kooperativ tóraǵalary qatysty.
Májiliste vedomstva basshysy salany damytýdyń perspektivalyq baǵyttaryn aityp, otandyq taýar óndirýshilerge kórsetiletin memlekettik qoldaý saiasaty jaiyna da toqtaldy.
Agroónerkásiptik keshenin damytý baǵdarlamasynyń oryndalýy tikelei aýdan jáne aýyl ákimderiniń mindeti ekenin aitqan Ó.Shókeev árbir aýdandaǵy qoldanylmai jatqan egistik jerlerdi qoldanysqa engizip, sýarmaly jerlerdiń kólemin arttyrý, qarqyndy baý sharýashylyǵyn damytý jáne aýyl sharýashylyq salasyna investitsiia tartýdy basty nazarǵa alýdy aitty.
Aýyl sharýashylyǵy salasyna memleket tarapynan aýqymdy qoldaýlar kórsetilip, agroónerkásip keshende jaqsy nátijelerge qol jetkizilgenin aitqan oblys ákimi aldaǵy ýaqytta osy baǵyttaǵy jumystar tiisti deńgeide oryndalatynyn jetkizdi. Sonymen qatar aimaq basshysy aýyl sharýashylyq salasynda sheshilmei jatqan máselelerdi qaraityn ortaq birikken jumysshy organyn qurýdy usyndy.
Jalpy AÓK-ni damytýdyń memlekettik baǵdarlamasy Memleket basshysynyń jyl saiynǵy Joldaýlarynda júktelgen strategiialyq mindetterdi, birinshi kezekte AÓK-degi eńbek ónimdiligin jáne óńdelgen aýyl sharýashylyǵy ónimderiniń eksportyn kem degende 2,5 esege ulǵaitý mindetin iske asyrýǵa baǵyttalǵan.
Atalǵan baǵdarlamany júzege asyrý maqsatynda aýyl sharýashylyǵyn damytý úshin 4 baǵyt aiqyndalyp, 2018-2025 jyldarǵa arnalǵan arnaiy kontseptsiia ázirlendi. Atap aitqanda, aýdan, qalalardyń klimattyq erekshelikterine bailanysty mamandandyrý, aýyl sharýashylyǵy taýar óndirýshilerin qol jetimdi nesie qarjylarmen qamtamamsyz etý, aýyl sharýashylyǵy kooperativteri júiesi men mashina-traktorlyq stantsiialar júiesin jetildirý jáne sýarmaly jerlerdiń kólemin ulǵaitý, sý ótkizgishtik qabiletin jaqsartý is-sharalaryn atqarý.
Aiqyndalǵan tórt baǵyttaǵy jumystardy júieli túrde júzege asyrǵanda 5 jyl ishinde agroónerkásip keshenindegi eńbek ónimdiligi kem degende 2,5 esege artyp, 2025 jyldary oblystaǵy barlyq sýarmaly jerdiń kólemi 636,24 myń ga quraityn bolady.
Budan bólek, egin sharýashylyǵynda jańadan 1570 gektarǵa qarqyndy baý, 1000 gektarǵa jańǵaq egilip, qýattylyǵy saǵatyna 1 tonna sok shyǵaratyn zaýyt salynady. Jalpy somasy 5,02 mlrd teńgege túrli aýyl sharýashylyq tehnikalary alynsa, jańa tuqym óńdeitin tseh ornatylady dep josparlanýda. Al mal sharýashylyǵy salasynda qosymsha 43,5 myń tonna sút, 65,8 myń tonna (tiri salmaqta) et, 67 mln dana taǵamdyq jumyrtqa óndirilý kózdelse, eksportqa 3 jylda 5,5 myń tonna et shyǵarylatyn bolady.
Seminar-keńeste sondai-aq, zákirlik kooperatsiia negizinde etti jáne sútti mal sharýashylyǵyn damytýdyń mańyzdylyǵy atap ótildi. Óńirlik salalyq baǵdarlamalar sheńberinde óńirde 10 jylda bordaqylaý alańdarynyń ainalasynda jalpy sútti iri qara mal basy 150 myńnan asatyn 3000 otbasylyq ferma qurylatyn bolady. Qoi basy 300 myń basqa deiin ulǵaimaq.
Keńes pikir almasý jáne óńirdiń taýar óndirýshileriniń mańyzdy máselelerin talqylaý formatynda jalǵasyn tapty.
Jiyndy qorytyndylaǵan Ómirzaq Shókeev shaýralarǵa «jumys isteimin degen azamattarǵa memleket tarapynan qoldaý kórsetiledi. Ministrlik tarapynan da túrli jobalardy qarjylandyrýǵa daiynbyz» dei kele aýyl sharýashylyq ónimderin shetelge eksporttaý kórsetkishin joǵarylatý kerektigin aitty.
Túrkistan oblysy ákiminiń baspasóz qyzmeti
