بۇل جوبا اگەنتتىك پەن سىرتقى ىستەر، ينۆەستيسيالار جانە دامۋ مينيسترلىكتەرىمەن ءوزارا ىنتىماقتاستىق مەموراندۋمى نەگىزىندە جۇمىس ىستەۋدە. جوبانىڭ باستى ماقساتى – بيزنەستى قورعاۋ، بيزنەس-كليماتتى جاقسارتۋ جانە مەملەكەتتىك باقىلاۋ-قاداعالاۋ قىزمەتىن وڭتايلاندىرۋ راسىمدەرىن بارىنشا جەڭىلدەتۋ. بۇل تۋرالى تۇركىستان وبلىستىق وڭىرلىك كوممۋنيكاسيالار قىزمەتىندە وتكەن بريفينگتە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنت باسشىسىنىڭ ورىنباسارى، ادەپ جونىندەگى كەڭەس حاتشىلىعىنىڭ مەڭگەرۋشىسى عانيجان اسان ۇلى مالىمدەدى.
– تۇركىستان وبلىسىندا دەپارتامەنت تاراپىنان بۇگىنگى تاڭدا جالپى قۇنى 240 ملرد. تەڭگە بولاتىن 5 ءىرى ينۆەستورلار سۇيەمەلدەۋگە الىنىپ، ءتيىستى جۇمىستار اتقارىلۋدا. اتالعان جوبا اياسىندا ينۆەستورلار سىبايلاس جەمقورلىق فاكتىلەرىنىڭ كەز-كەلگەن كورىنىستەرىنە جول بەرمەۋگە، قانداي دا ءبىر زاڭسىز فاكت تۋىندايتىن بولسا، تىكەلەي اگەنتتىككە جانە ونىڭ اۋماقتىق دەپارتامەنتتەرىنە بايانداۋ تۋرالى كەلىسىمگە قول قويىلادى. ءوز كەزەگىندە سىبايلاس جەمقورلىققا قارسى ءىس-قيمىل سالاسىنداعى ۋاكىلەتتى ورگان كەلىسىمگە قول قويعان ينۆەستورلاردى زاڭدا بەلگىلەنگەن قۇزىرەتتەردى جانە ءوز رەسۋرستارىن پايدالانا وتىرىپ 100 پايىز سىبايلاس جەمقورلىق فاكتىلەرىنەن 24/7 ءپرينسيپى نەگىزىندە، ياعني كەز كەلگەن ۋاقىتتا قولداپ، قورعايتىن بولادى، – دەدى عاني اسان ۇلى.
جيىن سوڭىندا دەپارتامەنت باسشىسىنىڭ ورىنباسارى ب ا ق قۇرالدارىنىڭ ءبىرقاتار سۇراقتارىنا جاۋاپ بەرىپ، وتاندىق جانە شەتەلدىك كاسىپكەرلەرگە وڭىرىمىزدە قولايلى ورتا قالىپتاستىرۋ ءۇشىن بارلىق جاعداي جاسالىپ، اكىمشىلىك كەدەرگىلەر بولماۋ قاجەتتىگىن اتاپ ءوتتى.
تۇركىستان وبلىسى اكىمىنىڭ باسپا ءسوز قىزمەتى
