Bul joba Agenttik pen Syrtqy ister, Investitsiialar jáne damý ministrlikterimen ózara yntymaqtastyq memorandýmy negizinde jumys isteýde. Jobanyń basty maqsaty – biznesti qorǵaý, biznes-klimatty jaqsartý jáne memlekettik baqylaý-qadaǵalaý qyzmetin ońtailandyrý rásimderin barynsha jeńildetý. Bul týraly Túrkistan oblystyq Óńirlik kommýnikatsiialar qyzmetinde ótken brifingte QR Memlekettik qyzmet isteri jáne sybailas jemqorlyqqa qarsy is-qimyl Agenttiginiń Túrkistan oblysy boiynsha departament basshysynyń orynbasary, Ádep jónindegi Keńes hatshylyǵynyń meńgerýshisi Ǵanijan Asanuly málimdedi.
– Túrkistan oblysynda Departament tarapynan búgingi tańda jalpy quny 240 mlrd. teńge bolatyn 5 iri investorlar súiemeldeýge alynyp, tiisti jumystar atqarylýda. Atalǵan joba aiasynda investorlar sybailas jemqorlyq faktileriniń kez-kelgen kórinisterine jol bermeýge, qandai da bir zańsyz fakt týyndaityn bolsa, tikelei Agenttikke jáne onyń aýmaqtyq Departamentterine baiandaý týraly kelisimge qol qoiylady. Óz kezeginde sybailas jemqorlyqqa qarsy is-qimyl salasyndaǵy ýákiletti organ kelisimge qol qoiǵan investorlardy zańda belgilengen quzyretterdi jáne óz resýrstaryn paidalana otyryp 100 paiyz sybailas jemqorlyq faktilerinen 24/7 printsipi negizinde, iaǵni kez kelgen ýaqytta qoldap, qorǵaityn bolady, – dedi Ǵani Asanuly.
Jiyn sońynda Departament basshysynyń orynbasary BAQ quraldarynyń birqatar suraqtaryna jaýap berip, otandyq jáne sheteldik kásipkerlerge óńirimizde qolaily orta qalyptastyrý úshin barlyq jaǵdai jasalyp, ákimshilik kedergiler bolmaý qajettigin atap ótti.
Túrkistan oblysy ákiminiń baspasóz qyzmeti
