"وزگەرتۋلەر ەترت قۇرالىن ۇلتتىق بانكتىڭ قرۇب اقشا-كرەديت ساياساتى قۇرالدارىن جەتىلدىرۋ جانە انتيينفلياسيالىق باعىتتى كۇشەيتۋ اياسىندا ەنگىزىلەدى. ۇسىنىلىپ وتىرعان تۇزەتۋلەر ەاەو، ورتالىق ازيا جانە كاۆكاز ەلدەرى ورتالىق بانكتەرىنىڭ حالىقارالىق ەترت قولدانۋ تاجىريبەسىن زەردەلەپ، تالداۋ نەگىزىندە ازىرلەندى. وسى ەلدەردە (قازاقستاندى ەسەپكە الماعاندا) ۇلتتىق ۆاليۋتاداعى مىندەتتەمەلەر بويىنشا ەترت نورماتيۆتەرىنىڭ ورتاشا دەڭگەيى 4–4،5%-دى، ال شەتەل ۆاليۋتاسىنداعى مىندەتتەمەلەر بويىنشا شامامەن 15%-دى قۇرايدى. قازاقستاندا ەترت نورماتيۆتەرىنىڭ دەڭگەيى ايماقتا ەڭ تومەنى بولىپ كەلدى – تەڭگەدەگى مىندەتتەمەلەر بويىنشا ءتيىمدى مولشەرلەمە – 1،3%، ال شەتەل ۆاليۋتاسىنداعى مىندەتتەمەلەر بويىنشا – 2،5%"، دەلىنگەن ۇلتتىق بانكتىڭ باسپا ءسوز حابارلاماسىندا.

قۇجاتتا مىناداي نورماتيۆتەر بەلگىلەنەدى:

• تەڭگەدەگى مىندەتتەمەلەر بويىنشا – 3،5% جانە 5%،
• ۆاليۋتالىق مىندەتتەمەلەر بويىنشا – 10% جانە 15%.

"بۇل رەتتە بانك سەكتورىن ەنگىزىلەتىن وزگەرىستەرگە بەيىمدەۋ ماقساتىندا مرت نورماتيۆتەرى ماقساتتى دەڭگەيگە كەزەڭ-كەزەڭىمەن ءبىر جىل ىشىندە كوتەرىلەتىن بولادى". ۇلتتىق بانكتىڭ باسپا ءسوز قىزمەتى

ورتالىق بانك قابىلدانعان شارالار اقشا اگرەگاتتارىنىڭ شامادان تىس ءوسۋىن تومەندەتۋگە، اقشا-كرەديت ساياساتىنىڭ ترانسميسسياسىن جاقسارتۋعا مۇمكىندىك بەرەدى، بۇل ينفلياسياعا قارسى كۇرەستىڭ تيىمدىلىگىن ارتتىرادى دەپ سانايدى.

"ۇلتتىق بانكتىڭ باستى ماقساتى – ينفلياسيانى 5%-عا دەيىن تومەندەتۋ. وسى ماقساتقا قول جەتكىزۋ ءۇشىن قولدا بار بارلىق قۇرال پايدالانىلادى. تومەن جانە تۇراقتى ينفلياسيا – بۇل تەڭگەنىڭ ساتىپ الۋ قابىلەتىن، ازاماتتاردىڭ ەڭبەك تابىسىن ساقتاۋ، سونداي-اق تەڭگەرىمدى ءارى ورنىقتى ەكونوميكالىق ءوسىم ءۇشىن قولايلى ورتانى قامتاماسىز ەتۋدىڭ نەگىزى سانالادى"، دەلىنگەن حابارلامادا.

 

ايتا كەتسەك، شىلدە ايىندا باعانىڭ جىلدىق ءوسىمى شامامەن 11،8% بولدى. ءسويتىپ اتالعان كورسەتكىش ماۋسىم ايىنداعى كورسەتكىشپەن بىردەي، ناقتىراق ايتقاندا، 0،08 پايىزدىق تارماققا ازايدى. وسىلايشا جىل باسىنان بەرى ينفلياسيانىڭ ۇدەۋى العاش رەت باياۋلاعان ەدى. سونداي-اق سايتىمىزدا بۇل رەتتە "ينفلياسيا دەگەنىڭىز "ءورت"، ەكونوميكا قىزىپ بارادى". ساراپشى تەڭگە باعامىنا قاتىستى شىندىقتى ايتتى" دەگەن ماقالا جاريالانعان بولاتىن.