QR Ulttyq Banki infliatsiiany tejep ustaý maqsatynda ekinshi deńgeidegi bankter úshin eń tómen rezervtik talaptardy (ETRT) arttyratynyn málimdedi, dep habarlaidy Dalanews.kz.
QR Ulttyq Bank Basqarmasy 2025 jylǵy 25 shildede "Qazaqstan Respýblikasy Ulttyq Banki Basqarmasynyń keibir qaýlylaryna eń tómen rezervtik talaptar (budan ári – ETRT) máselesi boiynsha ózgertýler men tolyqtyrýlar engizý týraly" qaýlyny bekitkeni naqtylanady.
"Ózgertýler ETRT quralyn Ulttyq Banktiń QRUB aqsha-kredit saiasaty quraldaryn jetildirý jáne antiinfliatsiialyq baǵytty kúsheitý aiasynda engiziledi. Usynylyp otyrǵan túzetýler EAEO, Ortalyq Aziia jáne Kavkaz elderi ortalyq bankteriniń halyqaralyq ETRT qoldaný tájiribesin zerdelep, taldaý negizinde ázirlendi. Osy elderde (Qazaqstandy esepke almaǵanda) ulttyq valiýtadaǵy mindettemeler boiynsha ETRT normativteriniń ortasha deńgeii 4–4,5%-dy, al shetel valiýtasyndaǵy mindettemeler boiynsha shamamen 15%-dy quraidy. Qazaqstanda ETRT normativteriniń deńgeii aimaqta eń tómeni bolyp keldi – teńgedegi mindettemeler boiynsha tiimdi mólsherleme – 1,3%, al shetel valiýtasyndaǵy mindettemeler boiynsha – 2,5%", delingen Ulttyq Banktiń baspasóz habarlamasynda.
Qujatta mynadai normativter belgilenedi:
- teńgedegi mindettemeler boiynsha – 3,5% jáne 5%,
- valiýtalyq mindettemeler boiynsha – 10% jáne 15%.
"Bul rette bank sektoryn engiziletin ózgeristerge beiimdeý maqsatynda MRT normativteri maqsatty deńgeige kezeń-kezeńimen bir jyl ishinde kóteriletin bolady". Ulttyq Banktiń baspasóz qyzmeti
Ortalyq bank qabyldanǵan sharalar aqsha agregattarynyń shamadan tys ósýin tómendetýge, aqsha-kredit saiasatynyń transmissiiasyn jaqsartýǵa múmkindik beredi, bul infliatsiiaǵa qarsy kúrestiń tiimdiligin arttyrady dep sanaidy.
"Ulttyq Banktiń basty maqsaty – infliatsiiany 5%-ǵa deiin tómendetý. Osy maqsatqa qol jetkizý úshin qolda bar barlyq qural paidalanylady. Tómen jáne turaqty infliatsiia – bul teńgeniń satyp alý qabiletin, azamattardyń eńbek tabysyn saqtaý, sondai-aq teńgerimdi ári ornyqty ekonomikalyq ósim úshin qolaily ortany qamtamasyz etýdiń negizi sanalady", delingen habarlamada.Aita ketsek, shilde aiynda baǵanyń jyldyq ósimi shamamen 11,8% boldy. Sóitip atalǵan kórsetkish maýsym aiyndaǵy kórsetkishpen birdei, naqtyraq aitqanda, 0,08 paiyzdyq tarmaqqa azaidy. Osylaisha jyl basynan beri infliatsiianyń údeýi alǵash ret baiaýlaǵan edi. Sondai-aq saitymyzda bul rette "Infliatsiia degenińiz "órt", ekonomika qyzyp barady". Sarapshy teńge baǵamyna qatysty shyndyqty aitty" degen maqala jariialanǵan bolatyn.
