"يگٸلٸك!". جەتٸسايدا بٸر كٷندە 5 اۋىلعا تابيعي گاز بەرٸلدٸ
اتاپ ايتقاندا, كٶگٸلدٸر وتىنعا قول جەتكٸزگەن اۋداننىڭ ش.دٸلدەبەكوۆ اۋىل وكرۋگٸنە قاراستى دوستىق, بايدالا, زەردەلٸ اۋىلدارى مەن اتامەكەن اۋىلدىق وكرۋگٸنە قاراستى تىڭدالا جەنە قوعالى ەلدٸ مەكەندەرٸ. ايماق باسشىسى دوستىق اۋىلىنداعى گاز تورابىن ٸسكە قوسۋ رەسٸمٸنە قاتىسىپ, ەندٸگٸ كەزەكتە 5 مىڭعا جۋىق حالقى بار بەس اۋىل تۇرعىندارىنىڭ كٶمٸر تاسىپ, كٷل شىعارمايتىنىن جەتكٸزدٸ.
«قۇرمەتتٸ تٷركٸستاندىقتار! قادٸرمەندٸ جەتٸساي اۋدانىنىڭ تۇرعىندارى! بٷگٸن سٸزدەر مەن بٸزدەر كٶپتەن كٷتكەن ٷلكەن قۋانىشتىڭ كۋەسٸ بولعالى وتىرمىز. ياعني, بٷگٸن تٷركٸستان وبلىسىنا قاراستى جەتٸساي اۋدانىندا بەس ەلدٸمەكەننٸڭ تۇرعىندارى تابيعي گازعا قول جەتكٸزٸپ وتىر. قازٸرگٸ تاڭدا جەتٸساي اۋدانىندا 104 ەلدٸمەكەننٸڭ 46-سى, ياعني 22 096 ابونەنت تابيعي گازبەن قامتىلسا, بۇل اۋدانداعى ەلدٸ مەكەندەردٸڭ جالپى سانىنىڭ 44,2 پايىزىن قۇراپ وتىر. ال ابونەنت سانى بويىنشا 74,4 پايىزعا جەتتٸ», - دەدٸ جانسەيٸت قانسەيٸتۇلى.
جالپى العاندا بيىلعى جىلى جەتٸساي اۋدانىنداعى ەلدٸ مەكەندەردٸ گازداندىرۋ ماقساتىندا 5 نىساننىڭ قۇرىلىسىنا وبلىستىق بيۋدجەتتەن 615,4 ملن تەڭگە قارالعان بولاتىن. ونىڭ ٸشٸندە 1 نىساننىڭ قۇرىلىس-مونتاج جۇمىستارى 2018 جىلدىڭ شٸلدە ايىندا اياقتالسا, 3 ەلدٸ مەكەننٸڭ قۇرىلىسى جىل سوڭىنا دەيٸن ەل يگٸلٸگٸنە تاپسىرىلادى دەپ كٷتٸلۋدە.
ايتا كەتەلٸك جەتٸساي اۋدانىنىڭ دامۋ كونتسەپتسيياسىنا سەيكەس 2019-2025 جىلدارى وسى ٶڭٸردەگٸ 104 ەلدٸ مەكەننٸڭ بەرٸ دەرلٸك 100 پايىز گازبەن قامتىلادى دەگەن جوسپار بار.
