جەكەمەنشٸك مەكتەپتەردە وقۋشىلاردىڭ حيدجاب كييۋٸنە رۇقسات بەرۋگە جول بەرٸلمەيدٸ, مۇنداي تالاپتى بۇزعان بٸلٸم بەرۋ ۇيىمى ليتسەنزيياسىنان ايىرىلۋى مٷمكٸن, دەپ حابارلايدى dalanews.kz.
بۇل تۋرالى وقۋ-اعارتۋ مينيسترٸ جۇلدىز سٷلەيمەنوۆا ٷكٸمەتتەگٸ بريفينگتە ايتتى.
مينيستردٸڭ سٶزٸنشە, قازاقستانداعى بارلىق مەكتەپتەر, ونىڭ ٸشٸندە جەكەمەنشٸك بٸلٸم بەرۋ ۇيىمدارى دا بٸرىڭعاي مەكتەپ فورماسىنا قويىلاتىن تالاپتاردى ساقتاۋى تيٸس. سونىمەن قاتار بٸلٸم بەرۋ جٷيەسٸندە زايىرلىلىق قاعيداتى قاتاڭ ساقتالۋى قاجەت.
سٷلەيمەنوۆا بىلتىر جەكەمەنشٸك مەكتەپتەردە وقۋشىلاردىڭ دٸني كيٸم كييۋٸنە قاتىستى جاعدايلار بولعانىن ايتتى. الايدا بيىلعى وقۋ جىلىندا مۇنداي زاڭبۇزۋشىلىق تٸركەلمەگەن.
«بٸز بۇل مەسەلەمەن جۇمىس ٸستەپ جاتىرمىز, بٸزبەن بٸرگە ۇلتتىق قاۋٸپسٸزدٸك كوميتەتٸ دە بار. سونىمەن بٸرگە ەكٸمدٸكتەرمەن, جەرگٸلٸكتٸ اتقارۋشى ورگاندارمەن بٸرلەسٸپ جۇمىس ٸستەيتٸن ٷلكەن كوميسسييا بار», – دەدٸ مينيستر.
ونىڭ ايتۋىنشا, جەكەمەنشٸك مەكتەپ وقۋشىلارعا حيدجاب كييۋگە رۇقسات بەرگەن جاعدايدا, بٸلٸم بەرۋ ۇيىمىنىڭ ليتسەنزيياسىنان ايىرىلۋى مٷمكٸن.
بۇل رەتتە مەسەلە تەك جەكەمەنشٸك مەكتەپتەرگە عانا قاتىستى ەمەس. قازاقستاندا ورتا بٸلٸم بەرۋ ۇيىمدارى ٷشٸن مەكتەپ فورماسىنا قويىلاتىن تالاپتار بەلگٸلەنگەن. بۇعان دەيٸنگٸ رەسمي تٷسٸندٸرمەلەردە دە جەكەمەنشٸك مەكتەپتەر مەملەكەتتٸك بٸلٸم بەرۋ تالاپتارىن ساقتاۋعا مٸندەتتٸ ەكەنٸ ايتىلعان.
