قازۇۋ ٶتكەن جىلمەن سالىستىرعاندا «ٶنەر جەنە گۋمانيتارلىق عىلىمدار» پەنٸ بويىنشا ٶز كٶرسەتكٸشتەرٸن 277-دەن 156-شى ورىنعا, «ەلەۋمەتتٸك عىلىمدار جەنە مەنەدجمەنت» پەنٸ بويىنشا 351-دەن 257-شٸ ورىنعا كٶتەرٸپ, وڭ نەتيجەگە قول جەتكٸزدٸ.
قازۇۋ «قازٸرگٸ تٸل بٸلٸمٸ» ماماندىعى بويىنشا دا ٷزدٸكتەر قاتارىنان تابىلىپ, ەلەمنٸڭ ٷزدٸك جوو اراسىندا 52-شٸ ورىنعا يە بولدى. ۋنيۆەرسيتەت كەلەسٸ ماماندىقتار بويىنشا: «اعىلشىن تٸلٸ مەن ەدەبيەتٸنەن» – 101-150, «لينگۆيستيكا» جەنە «قۇقىقتانۋدان» – 151-200 ٷزدٸك توپتارىنا, «ەكونوميكا جەنە ەكونومەتريكادان» – 251-300 , «ماتەماتيكادان» – 301-350 جەنە «فيزيكا جەنە استرونومييادان» – 501-550 الدىڭعى توپتارىنا ەندٸ.
بۇل رەيتينگكە بٸرقاتار ماماندىقتار العاشقى رەت قاتىسىپ, بٸردەن ٷزدٸك اتاندى. مەسەلەن, «تاريح» ماماندىعى 151-200, «بيزنەس جەنە مەنەدجمەنت» – 401-450, «كومپيۋتەرلٸك عىلىمدار جەنە اقپاراتتىق جٷيەلەرٸ» – 501-550, «حيمييا» ماماندىعى – 551-600 الدىڭعى توپتارىنا كٸردٸ.
QS World University Ranking by Subject رەيتينگٸنٸڭ ەدٸستەمەسٸ تٶرت نەگٸزگٸ كٶرسەتكٸشكە نەگٸزدەلگەن: اكادەمييالىق بەدەل, جۇمىس بەرۋشٸلەر اراسىنداعى بەدەل, عىلىمي ماقالالارعا سٸلتەمە جەنە حيرش يندەكسٸ. پەندٸك رەيتينگ 95 مىڭنان استام اكادەمييالىق ساراپشىلاردىڭ, 45 مىڭداي جۇمىس بەرۋشٸ ساراپشىلاردىڭ پٸكٸرلەرٸن ەسكەرە وتىرىپ, سونداي-اق «Scopus» مەلٸمەتتەر بازاسىنان الىنعان اقپاراتتار نەگٸزٸندە جاسالدى.
ەل-فارابي اتىنداعى قازۇۋ ۇلتتىق پەندٸك رەيتينگتەردە دە جوعارىدا كٶرسەتٸلگەن وقۋ باعدارلامالارى بويىنشا قازاقستاندىق ۋنيۆەرسيتەتتەر اراسىندا جەتەكشٸ ورىن الادى. قازۇۋ حالىقارالىق دەڭگەيدەگٸ عىلىمي-زەرتتەۋ ۋنيۆەرسيتەتٸنە اينالا وتىرىپ, ەلەمدٸك ۋنيۆەرسيتەتتەردٸڭ ينستيتۋتسيونالدىق رەيتينگٸندە دە جەنە پەندٸك رەيتينگتە دە تابىسقا جەتٸپ, ٷنەمٸ العا جىلجىپ كەلەدٸ. سونىمەن, 2020 جىلى QS World University Ranking ەلەمدٸك رەيتينگٸنٸڭ نەتيجەلەرٸ بويىنشا جەتەكشٸ قازاقستاندىق ۋنيۆەرسيتەت (قازۇۋ) ەلەمدەگٸ ەڭ ٷزدٸك ۋنيۆەرسيتەتتەر تٸزٸمٸندە 165 ورىنعا يە بولدى. بۇل توپتا تمد ەلدەرٸنەن تەك لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸ جەنە ەل-فارابي اتىنداعى قازۇۋ عانا بار.
